فوتو: Turizm jane sport ministrligi
مينيستر ارميا ورتالىق سپورت كلۋبى اسكەري جۇمىس پەن حالىقارالىق دارەجەدەگى سپورتشىلار دايارلاۋدى قاتار جولعا قويعانىن اتاپ ءوتتى.
تۋريزم جانە سپورت مينيسترلىگىنىڭ مالىمەتىنشە, اسكەري قىزمەتشىلەر اراسىنان 9 سپورتشى پاريج وليمپياداسىنا جولداما جەڭىپ العان. ولار: بوكسشىلار – ساكەن بيبوسىنوۆ, ماحمۇد سابىرحان, تاەكۆوندوشىلار – سوميرحون اباباكيروۆ, باتىرحان تىلەۋعالي, قازىرگى بەسسايىس وكىلى ەلەنا پوتوپەنكو, نىسانا كوزدەۋدەن يسلام ساتباەۆ, گرەك-ريم بالۋاندارى – ايدوس سۇلتانعالي, ءالىمحان سىزدىقوۆ جانە سپورتتىق گيمناستيكادان ناريمان قۇربانوۆ.
«اسكەري سپورتشىلاردىڭ نەگىزگى جەتىستىكتەرىنىڭ كىلتى – ءداستۇردى ساقتاي وتىرىپ, ارقاشان ءوز-ءوزىن دامىتىپ جۇرگەن جاتتىقتىرۋشىلار قۇرامىنىڭ ەڭبەگى, كاسىبيلىكتەرىڭىزدىڭ ارقاسىندا كوپتەگەن سپورتشىمىز كوشباسشىعا اينالىپ, كوپكە ۇلگى بولىپ ءجۇر. سونىمەن قاتار سىزدەردىڭ سپورتقا دەگەن ادالدىق پەن جەڭىسكە دەگەن ۇمتىلىسىڭىز سپورتشىلاردى شابىتتاندىرىپ, ارميا قابىرعاسىندا قالىپتاسقان رۋحاني كۇش پەن مىنەزدىڭ بەرىكتىگى جەڭىسكە جەتۋ جولىنداعى كەز كەلگەن كەدەرگىنى ەڭسەرۋگە مۇمكىندىك بەرەدى», دەدى ەرمەك مارجىقپاەۆ.
ءىس-شارا بارىسىندا اوسك سك سپورتشىسى ساكەن بيبوسىنوۆ پەن جاتتىقتىرۋشى اسان مامبەتقۇلوۆقا لەيتەنات شەنى تابىس ەتىلدى.
