فوتو: استانا اكىمدىگى
بۇگىن سارىارقا اۋدانىنىڭ اكىمدىگى ەلوردا تۇرعىندارى مەن قوناقتارى ءۇشىن وتان قورعاۋشىلار كۇنىنە وراي مەرەكەلىك كونتسەرت ۇيىمداستىردى.
«وتان قورعاۋشىلار كۇنىندە ءبىز ماڭىزدى تاريحي ءساتتى اتاپ ءوتىپ قانا قويماي, وزىمىزگە وتان الدىنداعى قاسيەتتى مىندەتىمىزدى ەسكە سالامىز. بۇل كۇن ءبىزدىڭ ەلىمىزدىڭ بوستاندىعى مەن تاۋەلسىزدىگىن قورعاي العان اتا-بابالارىمىزدىڭ ەرلىگىن ەسكە سالادى. ءبىز, اسىرەسە, جاس ۇرپاق, قازاقستاندىقتاردىڭ ەرلىگى تۋرالى ەستەلىكتەردى ساقتاپ, بولاشاق ۇرپاققا امانات ەتۋىمىز كەرەك. بۇگىن وسى مەرەكە كۇنى كونتسەرت ۇيىمداستىرىلدى. كونتسەرتتە پوليتسيا, تجد قىزمەتكەرلەرى جانە ءبىزدىڭ ارداگەرلەر ونەر كورسەتتى», دەدى اكىم اپپاراتىنىڭ باس مامانى ەراسىل قايراتوۆ.
جينالعاندار الدىندا «قاماجاي» بي توبىمەن بىرگە «اجەلەر شاڭىراق» ەتنومادەني ءانسامبلى ونەر كورسەتتى. كونتسەرتتە قازاق حالقىنىڭ «بۇلدۇرگەن», «ساۋلەم-اي», «دەدىم-اۋ» اندەرى شىرقالدى. كورەرمەندەر «سمۋگليانكا», «كاتيۋشا», «اح, سامارا-گورودوك» جانە ت.ب. ەستى اندەردى تىڭدادى.
قازاقستان حالقى اسسامبلەياسىنىڭ «ۆايناح» شەشەن-ينگۋش ەتنومادەني ورتالىعىنىڭ «لەزگينكا» ءبيىن دە تاماشالادى.
ء«بىزدىڭ ەر ادامداردى وتان قورعاۋشىلار كۇنىمەن قۇتتىقتايمىن! ولارعا مەملەكەت ءۇشىن سەنىمدى تىرەك بولىپ, وتانىنا جانە انتىنا ادال بولۋىن تىلەيمىن», دەدى ەلوردا تۇرعىنى جامال وسكەنباەۆا. 
