اۋەلگى باس سۇققانىمىز – مودەمدەر مەن كوممۋتاتورلار شىعاراتىن «Digital System Servic» جشس. تاۋارلىق بەلگىسى «سuman» دەپ اتالاتىن بۇل كومپانيا 2005 جىلى قۇرىلعان. مۇندا 6 ءونىم شىعادى. بىرنەشە تەلەفون نۇكتەسىن قوسۋعا بولاتىن اۆتوماتتاندىرىلعان ستانسا قۇرىلعىسى, ينتەرنەت تاراتۋشى Wi-Fi روۋتەر, «Arman 1605», «Arman 1608ر» جانە «Arman 1624ر» اتتى كوممۋتاتورلار, سىمسىز Wi-Fi Mesh ينتەرنەت جۇيەسى, «Infinity» اتتى بىرنەشە نۇسقاداعى تەلەفون اپپاراتى – زاۋىتتىڭ ەڭ باستى تاۋارلارى.
«100-گە جۋىق قىزمەتكەرىمىز بار. زاۋىت بىرنەشە تسەحقا بولىنگەن. بىرىندە ءونىمنىڭ باستى قاڭقاسى دايىندالسا, ەندى بىرىندە ينتەرنەت قۇرىلعىلاردىڭ ىشكى ماتەريالىن قۇراستىرادى. ىشكى ماتەريال دەگەنىمىز – ەلەكترونيكالىق تاۋارلاردىڭ نەگىزگى جۇيەسى, ياعني ەلەكتروندى تاقتالارى. ول قىتايدان كەلەدى. ال بارلىق ءونىمنىڭ سىرتقى كورپۋسى وزىمىزدەگى ارنايى اپپارات-قۇرىلعىدا جاسالادى. بىراق ونىڭ دا شيكىزاتىن وڭتۇستىك كورەيادان الدىرامىز. بۇل جاعىنان قالدىقسىز جۇيە قالىپتاسقان. جالپى, زاۋىتتا ءبىر كۇندە 1000-عا جۋىق ەلەكتروندى تاقتانى دايىنداپ, ارنايى كورپۋستا قاپتاي الامىز. سونداي-اق بىزدەن شىعاتىن بارلىق كوممۋنيكاتسيالىق ءونىمنىڭ ينتەرنەت تاراتۋدا مۇمكىندىگى كوپ. ازىرگە تۇتىنۋشىلار تاراپىنان شاعىم بولعان ەمەس», دەيدى كومپانيانىڭ كوممەرتسيالىق ديرەكتورى داستان ابدراحمانوۆ.
داستاننىڭ سوزىنشە, مۇندا بارلىق ينتەرنەت قۇرالدارىن مونتاجداۋشى, قۇراستىرۋشى اپپاراتتار شەتەلدىكى. ءبىرى – شۆەتسيالىق, ەندى ءبىرى – وڭتۇستىككورەيالىق قۇرىلعى. امەريكا قۇراما شتاتتارىنان الىنعان جابدىقتار دا جوق ەمەس.
«مەنىڭ ماماندىعىم – ەلەكترونيكا جانە بايلانىس قۇرالدارىنىڭ ينجەنەرى. ءدال قازىر مەن ينتەرنەت جەلىسىن تاراتۋشى Wi-Fi روۋتەردىڭ ىشكى كومپونەنتتەرىن قۇراستىرۋدامىن. بۇل جۇمىس بىتكەن سوڭ ارنايى وپەراتورلار تەكسەرۋدەن وتكىزىپ, ءبىزدىڭ جۇمىسىمىزدىڭ ساپاسىن قايتا-قايتا سىناقتان وتكىزەدى. وسىلايشا, بىرنەشە رەت قاداعالاۋدان سوڭ بارىپ ارنايى كورپۋسپەن قاپتالىپ, قوراپشاعا سالىنىپ, ساتىلىمعا شىعادى», دەيدى كومپانيا قىزمەتكەرى ەرجان كارىموۆ.
ساتۋ ءبولىمىنىڭ مامانى مۇحامەدكارىم كەنجەحان ۇلىنىڭ ايتۋىنشا, ءبىر مودەمنىڭ بولشەك ساۋداداعى باعاسى – 19 500 تەڭگە. سونداي-اق ءونىمدى شىعارۋ بارىسىندا اقاۋ انىقتالسا, ونى قايتا قالپىنا كەلتىرەتىن جوندەۋ ءبولىمى دە بار. سوندا جوندەلگەن سوڭ قايتا تەحنيكالىق قاداعالاۋدان ءوتىپ, تەستىلەۋدەن وڭ ناتيجە كورسەتكەندە عانا ساتۋ بولىمىنە جونەلتىلەدى. دەمەك ءارى قاراي بۇل قۇرىلعىلار «قازاقتەلەكوم» نەمەسە «Beeline» جەلىسى ارقىلى كەلىپ تۇرعان بايلانىس تىزبەگى بويىنشا ينتەرنەت تاراتا الادى.
«وتكەن ايدىڭ 23-26-سى كۇندەرى ماسكەۋ قالاسىندا بولدىق. وندا حالىقارالىق «بايلانىس-2024» تاقىرىبىندا كورمە ءوتتى. وندا ءبىزدىڭ ونىمدەر كورسەتىلدى. بۇنى ەكسپورتقا دەگەن العاشقى قادام دەسەك تە بولادى. بىلتىر ازەربايجانداعى كورمەدە دە ءوز زاتتارىمىزدى كورسەتكەنبىز. الداعى ۋاقىتتا تاشكەنتتە دە وتەتىن وسىنداي كورمەدە ونىمدەرىمىز ۇسىنىلادى. ازىرگە قىزىعۋشىلار جەتەرلىك. ءوز ەلىمىزدە عانا ەمەس, وزگە مەملەكەتتەرگە دە ەكسپورتقا شىعاتىن كۇن الىس ەمەس دەپ ويلايمىن», دەيدى م.كەنجەحان ۇلى.
ال ەكىنشى بارعانىمىز – «Barys E&T» جەكە سەرىكتەستىگى. 70-تەن استام قىزمەتكەرى بار كومپانياعا تيەسىلى ونىمدەر دە جوعارىدا ايتقان زاۋىتتىكىنە ۇقساس. مۇندا كادىمگى ءۇي جاعدايىنداعى ەلەكتر توعىن ەسەپتەگىش قۇرىلعى مەن راديوتەلەفون (راتسيا) شىعادى. ءونىمنىڭ ىشكى ەلەكترونيكالىق تاقتاسى شەتەلدەن كەلەدى. قالعانى تسەحتا قۇراستىرىلادى. ال الداعى جوسپارى – وزدىگىنەن ۇشۋ اپپاراتتارىن, ياعني دروندار ءوندىرىسىن قولعا الماق.
«كومپانيا نەگىزگى جۇمىسىن 2022 جىلى باستادى. زاۋىت جىلىنا 54 مىڭ ەلەكتر ەسەپتەگىش, 45 مىڭ راتسيا شىعارۋعا قاۋقارلى. ەندىگى ماقسات – وزدىگىنەن ۇشۋ اپپاراتتارىن شىعارۋ جانە زاۋىت كولەمىن كەڭەيتۋ. ويتكەنى قازىرگى ورنالاسقان اۋماق تارلىق ەتىپ وتىر. تاعى ءبىر جاڭالىق, جاقىندا قازاقستان مەن وڭتۇستىك كورەيا مەملەكەتى بىرلەسە وتكىزگەن فورۋم بولعان ەدى. وندا ءبىزدىڭ ونىمدەر مەن جوبالارىمىز كورسەتىلدى. ارتىنشا ۇشجاقتى, ياعني قازاقستان, كورەيا جانە ءبىزدىڭ كومپانيا مەموراندۋمعا وتىرىپ, ارنايى قۇجاتقا قول قويىلدى. ەندى كەلەسى جىلدىڭ ورتاسىنا قاراي Nazarbayev university-دە كورەي عالىمدارى ءبىزدىڭ ستۋدەنتتەرگە ءدارىس بەرىپ, وسى ەلەكترونيكا سالاسى بويىنشا بارلىعىن ۇيرەتپەكشى. دەمەك الداعى ۋاقىتتا ماماندار دا ءوزىمىزدىڭ ازاماتتار بولادى دەگەن ءسوز. بۇعان دەيىن مامانداردى مالايزيا, قىتاي, وڭتۇستىك كورەيادا ارنايى وقىتىپ كەلدىك», دەيدى زاۋىتتىڭ تەحنيكالىق ديرەكتورى ايبەك اقىش.
زاۋىت ونىمىنە تاپسىرىس بەرۋشىلەر – ماقالا باسىندا كورسەتىپ كەتكەن ارنايى ورگاندار. ال الداعى ۋاقىتتا ارنايى تاپسىرمالارعا قاجەتتى ۇشۋ دروندارىن شىعارسا, وندا سىرتقى يمپورتقا دا تاۋەلدى بولماس ەدىك.
«قورعانىس مينيسترلىگىنىڭ بارلاۋ قىزمەتىنە قاجەتتى ۇشۋ دروندارى قاجەت-اق. سونداي-اق قازىر ەلىمىزدە 50-60 قاباتتى ۇيلەر كوپ. «قاتە اياق استىندا» دەگەندەي, مىسالى, وسىنداي جوعارى قاباتتاردا ءورت شىققان جاعدايدا ارنايى سۋ شلانگىسىن كوتەرۋگە ارنالعان دروندار قاجەت ەمەس پە؟ ورمان ورتىنە دە بۇل – وتە كەرەك بۇيىم. جالپى, مۇنى ەلىمىزگە وتە قاجەتتى ءونىم دەسەك بولادى. ويتكەنى ازاماتتىق نە اسكەري ماقساتقا بولماسا ءورت قىزمەتىنە قاجەتتى ۇشۋ دروندارىن پايدالانۋ كوپ جۇمىستى جەڭىلدەتەتىنى انىق», دەيدى ا.اقىش.
ايتپاقشى, كاسىپورىننىڭ ءبىز كوزبەن كورگەن, وعان «بارىس» دەپ اتاۋ تاڭىپ, ات قويعان راديوستانسالىق تەلەفوننىڭ قۋاتى 200 ساعاتقا دەيىن جەتەدى. بىلايىنشا ايتساق, ءبىر اپتا بويى توق كوزىنە قۋاتتاماي جۇرە بەرۋگە بولادى. ءوزى سالماقتىلاۋ ءونىمنىڭ ءبىر عاجابى – جاڭبىرلى كۇنگە نەمەسە سۋعا ءتۇسىپ كەتكەن جاعدايدا دا جۇمىسىن توقتاتپايدى, ياعني ىلعالعا ءتوزىمدى. ال نارىقتاعى باعاسى 350-400 مىڭ تەڭگە كولەمىندە.
