قويمالارعا جينالعان تاسقىن سۋى اۋىل شارۋاشىلىعىندا قولدانىلادى

سولتۇستىك قازاقستان وبلىسىنداعى 2 ءىرى سۋ قويماسى 100% تولدى. ەسىل وزەنىندەگى سۋ تاسقىنىنىڭ ەكىنشى كەزەڭى جالعاسىپ جاتىر.

پەتروپاۆل قالاسى شەگىندەگى ەسىل وزەنىنىڭ دەڭگەيى-1141 سم. ول ءبىر تاۋلىكتە 21 سم-گە تومەندەدى.

اقمولا وبلىسىنداعى ەكى ءىرى سۋ قويماسى 100%-عا تولدى. ەكى نىسان دا شتاتتىق كەستەگە سايكەس جۇمىس ىستەپ تۇر. ايماقتا تاسقىننىڭ بەلسەندى كەزەڭى اياقتالدى. استانانىڭ قورعانىس بوگەتىنەن ەسىل وزەنىنە تاۋلىگىنە 4,32 ملن تەكشە مەتر سۋ جىبەرىلەدى.

اقتوبە وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى - 96%. ەكى نىسان دا شتاتتىق رەجيمدە جۇمىس ىستەپ تۇر. مۇندا سۋ تاسقىنىنىڭ بەلسەندى كەزەڭى ءوتتى.

شىعىس قازاقستان وبلىسىنداعى ەكى ءىرى سۋ قويماسى بويىنشا ورتاشا سۋ جيناۋ كورسەتكىشى - 83%.

اباي وبلىسىندا ءشۇلبى سۋ قويماسى 43,1% تولدى. ايماقتا سۋ تاسقىنى جالعاسىپ جاتىر. ءشۇلبى سۋ قويماسىنا بۇيىرلىك سالالاردىڭ ۇلعايۋىنا بايلانىستى ەرتىس وزەنىنە اعىندار جالعاستى. ەرتىس كاسكادىنىڭ بارلىق سۋ قويمالارى شتاتتىق كەستەگە سايكەس جۇمىس ىستەيدى.

قاراعاندى وبلىسىندا 3 ءىرى سۋ قويماسى 99%-عا تولى. ولاردىڭ بارلىعى شتاتتىق كەستەگە ساي جۇمىس ىستەيدى. وڭىردە تاسقىننىڭ بەلسەندى كەزەڭى ءوتتى.

قوستاناي وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى - 92%. ەكى نىسان دا شتاتتىق كەستەگە ساي جۇمىس ىستەيدى. ايماقتاعى سۋ تاسقىنىنىڭ بەلسەندى كەزەڭى ءوتتى.

قويمالاردا «قازسۋشار» ماماندارىنىڭ كەزەكشىلىگى جانە سۋ شارۋاشىلىعى جاعدايىنا مونيتورينگ جۇرگىزۋ جالعاستىرىلىپ وتىر. سۋ قويمالارىنا جينالعان تاسقىن سۋى اۋىل شارۋاشىلىعى مەن ونەركاسىپتە پايدالانۋ ءۇشىن جىبەرىلەدى.