فوتو: Diego Vara/REUTERS
برازيليانىڭ ازاماتتىق قورعانىس قىزمەتى ەلدىڭ وڭتۇستىگىندە نوسەر جاڭبىردان تۋىنداعان قاتتى سۋ تاسقىنىنان زارداپ شەككەندەردىڭ سانى 56-عا جەتكەنىن جانە تاعى 67 ادام حابار-وشارسىز كەتكەنىن حابارلادى.
اپاتتىڭ سەبەبى - قاتتى جاڭبىر سالدارىنان ريو-گراندە-دۋ-سۋل شتاتىنداعى وزەن دەڭگەيىنىڭ كۇرت كوتەرىلۋى. شتات گۋبەرناتورى ەدۋارد لەيتە سۋ تاسقىنىن وسى ايماقتىڭ تاريحىنداعى «ەڭ اۋىر اپات» دەپ اتادى.
گۋبەرناتوردىڭ ايتۋىنشا, سۋ تاسقىنى ەلدىڭ ەڭ ءىرى قالالارىنىڭ ءبىرى - 1,5 ميلليون حالقى بار پورتۋ-الەگرەگە قاۋىپ ءتوندىرىپ تۇر. بيلىك قالانىڭ العاشقى كۆارتالدارىن ەۆاكۋاتسيالاۋعا بۇيرىق بەردى.
«وسى ۋاقىتقا دەيىن كورگەن بارلىق نارسەنى ۇمىتىڭىز, جاعداي الدەقايدا ناشار بولادى», دەدى لەيتە.
