وبلىس قۇرىلعالى بەرى بۇل سالانىڭ قاجەتى ءۇشىن جاڭادان 20 تەحنيكا الىنعان بولسا, ەندى مىنە, ولاردىڭ قاتارىنا تاعى 13 تەحنيكا قوسىلدى. ولاردىڭ قاتارىندا ارنايى جابدىقتالعان «گازەل» كولىگى, جول تالعامايتىن كولىكتەر مەن قايىقتار بار. ءىس-شارا بارىسىندا, سونداي-اق ادامداردى 20 مەتر بيىكتىكتەن امان الىپ قالۋعا قاۋقارلى قۇتقارۋ قۇرىلعىسى, دالا ورتتەرىن سوندىرۋگە ارنالعان ريۋكزاك بۇرىككىشتەر دە تانىستىرىلدى.
قازىرگى كەزدە جەزقازعان جانە ساتباەۆ قالالارىندا جاڭا ءورت ءسوندىرۋ دەپوسىنىڭ قۇرىلىسى ءجۇرىپ جاتىر. بيىل قاراجال قالاسى مەن جايرەم كەنتىندە دە وسىنداي دەپولار قۇرىلىسى باستالادى. بۇل تۋرالى تەحنيكالاردى تاپسىرۋ سالتاناتىندا وبلىس اكىمى ب.ابدىعالي ۇلى مالىمدەدى.
وبلىس باسشىسى توتەنشە جاعداي جونىندەگى قىزمەت سالاسىنا باسقا دا ءتيىستى كومەك, قولداۋ كورسەتىلە بەرەتىنىن ايتىپ, ولارعا بيىلعى سۋ تاسقىنى كەزىندەگى جانقيارلىق ەڭبەكتەرى ءۇشىن حالىق العىسىن جەتكىزدى.
ۇلىتاۋ وبلىسى
