«عىلىم الەمىن اشامىز» دەپ اتالاتىن جوبالار سايىسى ءساۋىر ايىنىڭ سوڭعى كۇندەرى استانا قالاسىندا وتكەن ەدى. بايقاۋعا الدىن الا ىرىكتەۋدەن وتكەن 94 وقۋشى قاتىسىپ, باق سىناعان.
ورالداعى زياتكەرلىك مەكتەپتىڭ 11-سىنىپ وقۋشىلارى ماحامبەت وتەپقالي مەن نۇرسۇلتان زينۋللين «كۇن جۇيەسى» سەكتسياسى بويىنشا سايىستا 2-ورىنعا يە بولدى. ال 9-سىنىپ وقۋشىسى قايدار مولداش «عارىشتىق اقپاراتتىق تەحنيكالار جانە مودەلدەۋ» باعىتىندا 2-ورىندى يەمدەندى. جاس ونەرتاپقىشتاردى ۇستازدارى ومىرعالي مولداشەۆ, ەلميرا مۋساعاليەۆا, مەدەت بيسەكەنوۆ باۋلىعان ەكەن.
– مەن عارىشكەرلەرگە ءتۇرلى جاتتىعۋ جاساتىپ, زەرتتەۋ جۇرگىزەتىن قوندىرعى جاسادىم. بۇل قوندىرعى عارىشكەرلەردىڭ كەز كەلگەن جاعدايدا ءوزىن جايلى سەزىنۋىن, ءتۇرلى ساتتە ءوز رەاكتسياسىن قالپىندا ۇستاۋىن قامتاماسىز ەتەدى, – دەيدى جاس ونەرتاپقىش قايدار.
ال ماحامبەت پەن نۇرسۇلتاننىڭ جۇمىسى – «اتلاس» عارىشتىق زەرتتەۋ اپپاراتى دەپ اتالادى. بۇل جوبا پلانەتاارالىق كەڭىستىكتى, ولاردىڭ تابيعي سەرىكتەرىن زەرتتەۋگە ارنالعان ەكەن. سونداي-اق بۇل اپپارات عارىش كەڭىستىگىندە ءتۇرلى فيزيكالىق, حيميا-بيولوگيالىق تاجىريبە جۇرگىزە الادى. جوبانىڭ بورتىنداعى ءتۇرلى زەرتتەۋ قۇرىلعىسى, جاساندى ينتەللەكت قوندىرعىسى جانە الۋان جاسۋشا سالىنعان كاپسۋلالار قازىلار القاسىنىڭ ايرىقشا قىزىعۋشىلىعىن تۋدىرىپتى.
باتىس قازاقستان وبلىسى
