2014 جىلعى جولداۋىندا ەلباسى بىلاي دەدى: «الەۋمەتتىك ينفراقۇرىلىمداردى دامىتۋ. ءبىرىنشى كەزەكتە, بۇل – اپاتتى مەكتەپتەر مەن ءۇش اۋىسىمدا وقىتۋ پروبلەمالارىن شەشۋ. بۇل – ءبىزدىڭ سايلاۋالدى تۇعىرنامامىزدىڭ نەگىزگى ينديكاتورلارىنىڭ ءبىرى. ۇشجىلدىق بيۋدجەتتە قاراستىرىلعان قارجى بۇل پروبلەمانى 2017 جىلعا دەيىن شەشۋگە مۇمكىندىك بەرمەيدى. سوندىقتان ۇكىمەتكە قوسىمشا 70 ميلليارد تەڭگە باعىتتاۋدى تاپسىرامىن. بالالار باقشاسىنىڭ جەتىسپەۋشىلىگى – باسقا ماسەلە. مەكتەپكە دەيىنگى مەكەمەلەردە ورىندار تاپشىلىعىن تۇبەگەيلى قىسقارتۋ ءۇشىن 3 جىل بويى قوسىمشا 20 ميلليارد تەڭگە باعىتتاۋدى تاپسىرامىن. اكىمدەر جەكە سەكتوردى تارتا وتىرىپ, بۇل جۇمىسپەن بارىنشا اينالىسۋى ءتيىس...».
2014 جىلعى قىركۇيەك ايىندا مايقايىڭ كەنتىندە 700 وقۋشىعا ارنالعان جاڭا مەكتەپ پايدالانۋعا بەرىلدى. ال, وبلىس ورتالىعىنا قاراستى كەنجەكول اۋىلىندا 2013 جىلى ءساۋىر ايىندا باستالعان مەكتەپ قۇرىلىسى بەلگىلەنگەن مەرزىمىندە تاپسىرىلماي قالدى. كەنجەكولدىڭ 420 ورىنعا لايىقتالىپ سالىنعان ەسكى مەكتەبىندە قازىر 752 وقۋشى ءبىلىم الۋدا. وبلىس ورتالىعىنا ءتيىپ تۇرعان اۋىل بولعان سوڭ, قالاعا قاراي كوشىپ كەلىپ جاتقان حالىق كوپ تە, وقۋشىلار سانى جىلدان-جىلعا كوبەيۋدە.
اۋىل تۇرعىندارىنىڭ ايتۋىنشا, بيىل جاڭادان جۇزگە جۋىق وقۋشى كەلىپ قوسىلسا, 5 ءبىرىنشى سىنىپ اشىلىپتى. كەنجەكولگە جاڭا مەكتەپ سالۋ كەرەك دەپ تاپسىرىس بەرگەن وبلىستىق قۇرىلىس, جولاۋشىلار كولىگى جانە اۆتوموبيل جولدارى باسقارماسى كۇردەلى قۇرىلىس ءبولىمى باسشىسىنىڭ مىندەتىن اتقارۋشى قايروللا ەلەۋكەنوۆتىڭ ايتۋىنشا, سالىنىپ جاتقان 600 ورىندىق مەكتەپ جۋىق ارادا پايدالانۋعا بەرىلمەيتىن كورىنەدى. مەكتەپتىڭ قۇرىلىسىن «كورپوراتسيا «پوتەنتسيال-مس» اتتى سەرىكتەستىك جۇرگىزۋدە. قۇرىلىستىڭ ۋاقىتىندا اياقتالماۋىنا وسى مەردىگەر كومپانيا كىنالى ەكەن. جۇمىسشىلار, قۇرىلىسشىلار جەتىسپەسە, قۇرىلىس بارىسىندا قايدان سەرپىن بولسىن. جەرگىلىكتى تۇرعىنداردى ايلىق ەڭبەكاقىلارىن بەرىپ جۇمىسقا تارتقاندا, قۇرىلىس ۋاقىتىندا اياقتالار ەدى. بۇل وبلىستىق, قالالىق, اۋىلدىق اكىمدىك, قۇرىلىس, ءبىلىم باسقارمالارى تاراپىنان قاتاڭ تالاپ پەن ءتارتىپتىڭ, باقىلاۋدىڭ بولماعاندىعىن بايقاتادى. كەنجەكولدەن باسقا, وبلىستا بۇگىنگى كۇنى رەسپۋبليكالىق بيۋدجەت ەسەبىنەن وبلىس ورتالىعىندا – 2, شارباقتى اۋدانى ورتالىعىندا, قالقامان اۋىلىندا مەكتەپتەر قۇرىلىسى جۇرگىزىلۋدە. بۇل قۇرىلىستاردىڭ قازىر جاي-كۇيىن كىم باقىلاۋدا؟ ولاردىڭ دا كەنجەكولدەگى مەكتەپتىڭ كۇيىن كەشپەسىنە كىم كەپىل؟ الداعى جىلى ەرتىس اۋدانى قىزىلاعاش اۋىلىندا مەكتەپ, وبلىس ورتالىعىندا 320 بالاعا ارنالعان بالاباقشا قۇرىلىسى جوسپارلانىپ, جەرگىلىكتى بيۋدجەتتەن 200,0 ميلليون تەڭگە ءبولىنىپتى.
ايتپاقشى, اۋىل وقۋشىلارى, اتا-انالارى مەكتەپتىڭ اشىلۋىن كۇتىپ جۇرگەندە, مەكتەپتى سالۋعا بولىنگەن قارجىنىڭ ءبىر بولىگى باسقا ماقساتقا ءبولىنىپ كەتىپتى. ياعني, رەسپۋبليكالىق قازىنادان كەنجەكولگە مەكتەپ سالۋعا بەرىلگەن 310,5 ميلليون تەڭگەنىڭ 54,3 ميلليونى يگەرىلمەگەنى ءۇشىن كەرى قايتارىلىپ, وبلىستىق ءماسليحات دەپۋتاتتارى بۇل شەشىمدى ءبىراۋىزدان قولداپتى. مۇنىڭ ءمان-جايىن جۋىردا وتكەن وبلىستىق ءماسليحاتتىڭ كەزەكتەن تىس سەسسياسىندا وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى تالعات ءشارىپوۆ مالىمدەدى.
فاريدا بىقاي,
«ەگەمەن قازاقستان».
پاۆلودار وبلىسى,
كەنجەكول اۋىلى.
2014 جىلعى قىركۇيەك ايىندا مايقايىڭ كەنتىندە 700 وقۋشىعا ارنالعان جاڭا مەكتەپ پايدالانۋعا بەرىلدى. ال, وبلىس ورتالىعىنا قاراستى كەنجەكول اۋىلىندا 2013 جىلى ءساۋىر ايىندا باستالعان مەكتەپ قۇرىلىسى بەلگىلەنگەن مەرزىمىندە تاپسىرىلماي قالدى. كەنجەكولدىڭ 420 ورىنعا لايىقتالىپ سالىنعان ەسكى مەكتەبىندە قازىر 752 وقۋشى ءبىلىم الۋدا. وبلىس ورتالىعىنا ءتيىپ تۇرعان اۋىل بولعان سوڭ, قالاعا قاراي كوشىپ كەلىپ جاتقان حالىق كوپ تە, وقۋشىلار سانى جىلدان-جىلعا كوبەيۋدە.
اۋىل تۇرعىندارىنىڭ ايتۋىنشا, بيىل جاڭادان جۇزگە جۋىق وقۋشى كەلىپ قوسىلسا, 5 ءبىرىنشى سىنىپ اشىلىپتى. كەنجەكولگە جاڭا مەكتەپ سالۋ كەرەك دەپ تاپسىرىس بەرگەن وبلىستىق قۇرىلىس, جولاۋشىلار كولىگى جانە اۆتوموبيل جولدارى باسقارماسى كۇردەلى قۇرىلىس ءبولىمى باسشىسىنىڭ مىندەتىن اتقارۋشى قايروللا ەلەۋكەنوۆتىڭ ايتۋىنشا, سالىنىپ جاتقان 600 ورىندىق مەكتەپ جۋىق ارادا پايدالانۋعا بەرىلمەيتىن كورىنەدى. مەكتەپتىڭ قۇرىلىسىن «كورپوراتسيا «پوتەنتسيال-مس» اتتى سەرىكتەستىك جۇرگىزۋدە. قۇرىلىستىڭ ۋاقىتىندا اياقتالماۋىنا وسى مەردىگەر كومپانيا كىنالى ەكەن. جۇمىسشىلار, قۇرىلىسشىلار جەتىسپەسە, قۇرىلىس بارىسىندا قايدان سەرپىن بولسىن. جەرگىلىكتى تۇرعىنداردى ايلىق ەڭبەكاقىلارىن بەرىپ جۇمىسقا تارتقاندا, قۇرىلىس ۋاقىتىندا اياقتالار ەدى. بۇل وبلىستىق, قالالىق, اۋىلدىق اكىمدىك, قۇرىلىس, ءبىلىم باسقارمالارى تاراپىنان قاتاڭ تالاپ پەن ءتارتىپتىڭ, باقىلاۋدىڭ بولماعاندىعىن بايقاتادى. كەنجەكولدەن باسقا, وبلىستا بۇگىنگى كۇنى رەسپۋبليكالىق بيۋدجەت ەسەبىنەن وبلىس ورتالىعىندا – 2, شارباقتى اۋدانى ورتالىعىندا, قالقامان اۋىلىندا مەكتەپتەر قۇرىلىسى جۇرگىزىلۋدە. بۇل قۇرىلىستاردىڭ قازىر جاي-كۇيىن كىم باقىلاۋدا؟ ولاردىڭ دا كەنجەكولدەگى مەكتەپتىڭ كۇيىن كەشپەسىنە كىم كەپىل؟ الداعى جىلى ەرتىس اۋدانى قىزىلاعاش اۋىلىندا مەكتەپ, وبلىس ورتالىعىندا 320 بالاعا ارنالعان بالاباقشا قۇرىلىسى جوسپارلانىپ, جەرگىلىكتى بيۋدجەتتەن 200,0 ميلليون تەڭگە ءبولىنىپتى.
ايتپاقشى, اۋىل وقۋشىلارى, اتا-انالارى مەكتەپتىڭ اشىلۋىن كۇتىپ جۇرگەندە, مەكتەپتى سالۋعا بولىنگەن قارجىنىڭ ءبىر بولىگى باسقا ماقساتقا ءبولىنىپ كەتىپتى. ياعني, رەسپۋبليكالىق قازىنادان كەنجەكولگە مەكتەپ سالۋعا بەرىلگەن 310,5 ميلليون تەڭگەنىڭ 54,3 ميلليونى يگەرىلمەگەنى ءۇشىن كەرى قايتارىلىپ, وبلىستىق ءماسليحات دەپۋتاتتارى بۇل شەشىمدى ءبىراۋىزدان قولداپتى. مۇنىڭ ءمان-جايىن جۋىردا وتكەن وبلىستىق ءماسليحاتتىڭ كەزەكتەن تىس سەسسياسىندا وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى تالعات ءشارىپوۆ مالىمدەدى.
فاريدا بىقاي,
«ەگەمەن قازاقستان».
پاۆلودار وبلىسى,
كەنجەكول اۋىلى.
