فوتو: Global Look Press
زاڭنىڭ ماقساتى - 2023 جىلعى 16 ماۋسىمدا سانكت-پەتەربۋرگ قالاسىندا قول قويىلعان, كەلىسىمگە مۇناي ءترانزيتىنىڭ كولەمى مەن تاريفتەرىن جاڭارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋدى كوزدەيتىن حاتتامانى راتيفيكاتسيالاۋ.
بۇل رەتتە قازاقستان تاراپى كەلىسىمدە كورسەتىلگەن باعىتتار بويىنشا مۇناي تاسىمالداۋ قىزمەتتەرىنە قوسىلعان قۇن سالىعىمەن نولدىك مولشەرلەمە بويىنشا سالىق سالادى.
«اتالعان حاتتاماعا سايكەس رەسەي مۇنايىن قازاقستان رەسپۋبليكاسىنىڭ اۋماعى ارقىلى قىتاي حالىق رەسپۋبليكاسىنا تاسىمالداۋ جونىندەگى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 2013 جىلعى جاسالعان كەلىسىمنىڭ قولدانۋ مەرزىمىن 2034 جىلعا دەيىن ۇزارتۋ جانە مۇناي ءترانزيتىنىڭ كولەمىن, ءتاريفتى وزەكتەندىرۋ ماسەلەلەرىنە قاتىستى كەلىسىمگە وزگەرىستەر ەنگىزۋ كوزدەلەدى.
2023 جىلدىڭ اقپانىندا رەسەي تاراپى (روسنەفت) 10 جىلدىق كەزەڭگە 100 ملن توننا جەتكىزۋ تۋرالى قىتاي تاراپىمەن (سپنس) كەلىسىمىن ۇزارتىپ, قول قويدى. وسىعان بايلانىستى, 2023 جىلدىڭ ماۋسىمىندا سانكت-پەتەربۋرگ قالاسىندا قازاقستان رەسپۋبليكاسى مەن رەسەي فەدەراتسياسى ەكىجاقتى كەلىسىمگە وزگەرىستەر ەنگىزۋ تۋرالى حاتتاماعا قول قويىلدى. حاتتامادا مۇناي ءترانزيتىنىڭ كولەمىن جانە ءتاريفتى وزەكتەندىرۋ ماسەلەلەرىنە قاتىستى كەلىسىمگە وزگەرىستەر ەنگىزۋ كوزدەلەدى», دەدى سۇيىندىك الداشەۆ.
سەناتتىڭ تۇراقتى كوميسسيالارىندا زاڭعا قاتىستى ەسكەرتۋلەر مەن ۇسىنىستار بولماعاندىقتان, قۇجات ماقۇلداندى.
قىرمىزى جۇماعاليقىزى,
ەۇۋ ستۋدەنتى
