ماۋلەن اشىمباەۆ مەيمانعا ءىلتيپات ءبىلدىرىپ, سينگاپۋر قازاقستاننىڭ وڭتۇستىك-شىعىس ازيا ايماعىنداعى ماڭىزدى سەرىكتەسى ەكەنىن اتاپ ءوتتى. سونداي-اق ول ديپلوماتيالىق قارىم-قاتىناس ورناعان 30 جىل ىشىندە قازاقستان مەن سينگاپۋر اراسىندا بەلسەندى ساياسي ديالوگ, بەرىك ەكونوميكالىق جانە مادەني بايلانىستار جولعا قويىلىپ, ءتۇرلى سالادا بەرىك قۇقىقتىق نەگىز قالىپتاسقانىن ايتتى.
ء«بىز ءوزارا پارلامەنتارالىق ىنتىماقتاستىقتى نىعايتۋعا جانە سينگاپۋر پارلامەنتىمەن تاجىريبە الماسۋعا مۇددەلىمىز. پارلامەنتارالىق دوستىق توپتارىنىڭ الەۋەتىن جان-جاقتى ءارى ءتيىمدى پايدالانۋدىڭ ماڭىزى زور. قازاقستان سينگاپۋرمەن ساۋدا-ەكونوميكالىق بايلانىستى ارتتىرۋعا دا مۇددەلى. وسىعان وراي پارلامەنت قاجەتتى قۇقىقتىق نەگىز قالىپتاستىرۋ ءۇشىن بەلسەندى جۇمىس ىستەپ كەلەدى. بيىل سەنات ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالادى. ەكىجاقتى قارىم-قاتىناستاردى ودان ءارى نىعايتۋدا پارلامەنتتىڭ اتقاراتىن ءرولى زور», دەدى ماۋلەن اشىمباەۆ.
سەنات توراعاسى ساۋدا-ەكونوميكالىق جانە ينۆەستيتسيالىق ىنتىماقتاستىقتى ارتتىرۋ ماسەلەلەرىن تالقىلاۋ بارىسىندا مەملەكەت باسشىسىنىڭ باستاماسىمەن قازاقستاندا جۇرگىزىلىپ جاتقان كەشەندى الەۋمەتتىك-ەكونوميكالىق جانە ساياسي رەفورمالارعا دا توقتالدى. اتاپ ايتقاندا, قازاقستاننىڭ جاڭا ەكونوميكالىق ۇلگىسىن قالىپتاستىرۋعا جانە ينۆەستيتسيالىق احۋالدى جاقسارتۋعا ارنالعان شارالار ءسوز بولدى.
سونىمەن قاتار ماۋلەن اشىمباەۆ سەناتتىڭ زاڭ شىعارۋ جۇمىستارى, قابىلدانعان تۇجىرىمداماعا سايكەس الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ الداعى ون جىلعا ارنالعان جۇمىس جوسپارى جايىندا ايتىپ ءوتتى. بۇل رەتتە ول رۋحاني ديپلوماتيانى دامىتۋ جولىندا بىرلەسكەن جۇمىستىڭ ماڭىزدى ەكەنىن دە تىلگە تيەك ەتتى.
ءوز كەزەگىندە سەا كيان پەن قازاقستاندا ءتۇرلى سالادا جۇرگىزىلىپ جاتقان كەشەندى رەفورمالاردىڭ ناتيجەلەرىن جوعارى باعالاپ, پارلامەنتارالىق بايلانىستى نىعايتۋعا دايىن ەكەندىكتەرىن جەتكىزدى.
