فوتو: Inbusiness
وندا وتاندىق قارجى نارىعىندا جاساندى ينتەللەكتىنى (جي) دامىتۋ جونىندەگى بىرىڭعاي رەتتەۋ تاسىلدەرىن تالداۋ مەن پايىم سيپاتتالعان. سەكتوردا جي-ءدى تولىق كولەمدە ەنگىزۋ ءۇشىن ينفراقۇرىلىم مەن زاڭنامالىق ورتانى دامىتۋ بويىنشا ناقتى قادامدار مەن شارالار قامتىلىپ وتىر.
«ساۋالناما جي تەحنولوگياسىنىڭ الەۋەتىن پايدالانۋعا قارجى نارىعىنىڭ دايىندىعىن انىقتاۋ ماقساتىندا جۇرگىزىلدى. وعان قارجى نارىعىنىڭ 94 قاتىسۋشىسى قاتىستى. ولار – ەكىنشى دەڭگەيلى بانكتەر, ميكروقارجى ۇيىمدارى, ساقتاندىرۋ ۇيىمدارى, باعالى قاعازدار نارىعىنىڭ قاتىسۋشىلارى جانە احقو رەزيدەنتتەرى. ناتيجەلەرگە سايكەس, قازىر قارجى نارىعىنا قاتىسۋشىلاردىڭ 31%-ى ءوز قىزمەتىندە جي-ءدى بەلگىلى ءبىر دارەجەدە پايدالانادى. ەكىنشى دەڭگەيلى بانكتەر اراسىندا جي پايدالانۋدىڭ ماكسيمالدى دەڭگەيى – 60%. بۇل رەتتە رەسپوندەنتتەردىڭ 45%-ى جي-ءدى 2024 جىلى پايدالانۋدى جوسپارلاپ وتىرعانىن اتاپ ءوتتى», دەلىنگەن ۇب حابارلاماسىندا.
