– قىدىركەلدى ءومىرجان ۇلى, ءسىز باسقارىپ وتىرعان اۋداندا يننوۆاتسيالىق دامۋ باعدارلاماسى قالاي جۇزەگە اسىرىلۋدا؟
– يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ يندۋستريالاندىرۋ كارتاسى شەڭبەرىندە سوڭعى 4 جىلدا اۋدانىمىزدا 10 ءىرى ءارى از ۋاقىتتا كەڭىنەن تانىلعان نىسان ىسكە قوسىلىپ, تۇرعىلىقتى حالىقتى تۇراقتى جۇمىس ورنىمەن قامتاماسىز ەتىپ وتىر. شىنى كەرەك, سول ەلدىڭ ايلىق جالاقىلارى ۋاقىتىلى تولەنەدى. سان سالا بويىنشا وندىرىلگەن ونىمدەر ساپالىلىعىمەن دە ەرەكشەلەندى, ونىڭ باستى دالەلى سۇرانىس مول. تاعى دا ءبىر ايتا كەتەتىن جايت, مەملەكەتكە سالىق تولەۋدە ءبىزدىڭ اۋدانىمىز وبلىستا كوش باستاپ وتىرعانى اقيقات. وسىناۋ ۋاقىت تالابىنا ساي اتقارىلعان جۇمىس بيىلعى جىلى ءوزىندىك جالعاسىن تاۋىپ الماتى وبلىسى وڭىرلىك يندۋستريالاندىرۋ كارتاسىنا 3 ينۆەستيتسيالىق جوبا ەنگىزىلدى.
– سوندا جۇمىس ورىندارى جاڭادان اشىلۋدا ما؟
– شاعىن جانە ورتا كاسىپكەرلىك سالاسىندا 1166 كىشى كاسىپورىن, 1875 شارۋا قوجالىقتارى, 4711 جەكە كاسىپكەرلەر بار. بۇل سالادا بارلىعى 26,4 مىڭ ادام جۇمىسپەن قامتىلعان. وندىرىلگەن ءونىمى مەن كورسەتىلگەن قىزمەتتىڭ كولەمى 127 ملرد. تەڭگەنى قۇرادى.
سوڭعى ايلاردا ساتۋ جانە قىزمەت كورسەتۋ سالاسىندا 50 كىشى كاسىپكەرلىك نىساندارى ىسكە قوسىلىپ, 328 جاڭا جۇمىس ورنى اشىلدى. ال ونەركاسىپ سالاسىندا 14 جاڭا كاسىپورىن ىسكە قوسىلىپ, 280 جۇمىس ورنى اشىلىپ جانە وسىعان دەيىن ىسكە قوسىلعان 8 كاسىپورىنداردا 141 جاڭا جۇمىس ورىندارى تاعى اشىلدى.
– مەملەكەتتىك ساياساتقا ساي تەمىرجول مەن اۆتوماگيسترالدىڭ بويىندا شاعىن بيزنەس دامىسا, ونداعى تۇرعىلىقتى حالىققا قانداي مۇمكىندىكتەر تۋادى؟
– قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «نۇرلى جول – بولاشاققا باستار جول» اتتى جولداۋىندا جاڭا ەكونوميكالىق ساياساتتىڭ دىڭگەگى رەتىندە جالپى ينۆەستيتسيالىق پورتفەلى 6 تريلليون تەڭگەنى قۇرايتىن, 5 جىلعا ەسەپتەلىنگەن ينفراقۇرىلىمدىق دامۋ جوسپارىن بەلگىلەپ بەرگەنى ءمالىم.
قىسقا مەرزىمدى پەرسپەكتيۆاداعى نەگىزگى باعىتتار كولىكتىك-لوگيستيكالىق, يندۋستريالىق, ەنەرگەتيكالىق, تۇرعىن ءۇي, الەۋمەتتىك ينفراقۇرىلىمدى دامىتۋ, تۇرعىن ءۇي-كوممۋنالدىق شارۋاشىلىق ينفراقۇرىلىمىن, سۋمەن جانە جىلۋمەن قامتۋ جۇيەلەرىن جاڭعىرتۋ بولىپ تابىلادى.
وسى باسىم باعىتتار شىن ءمانىندە كۇردەلى قارجى سالۋدى قاجەت ەتەتىن ەكونوميكانىڭ نەگىزى بولىپ وتىر.
مۇنىڭ ءبارى حالىقتى جۇمىسپەن قامتىپ, تابىستارىن وسىرۋگە باعىتتالعان, ەكونوميكا مەن قوعام جاڭارىپ, سونىڭ ناتيجەسىندە ءاربىر قازاقستاندىقتىڭ تۇرمىس ساپاسى جاقساراتىنىن كورسەتەدى.
ءبىرىنشى باعىتى بويىنشا كولىكتىك-لوگيستيكالىق ينفراقۇرىلىمداردى دامىتۋ, نەگىزگى اۆتوجولدار جوباسىن جۇزەگە اسىرۋ قاجەت. بۇل باعىتتا اۋدان اۋماعىنان وتەتىن باتىس قىتاي – باتىس ەۋروپا, الماتى – وسكەمەن, ۇلكەن الماتى اينالمالى اۆتوجولدارىنىڭ قۇرىلىسى مەن قايتا جاڭعىرتۋ جۇمىستارى جۇرگىزىلۋدە. قازىرگى ۋاقىتتا جەر تەلىمدەرىن ساتىپ الۋ جانە جول بويىنداعى سەرۆيستى دامىتۋ جۇمىستارى جۇرگىزىلۋدە. وسى ورايدا, اۋداننىڭ يندۋستريالىق ينفراقۇرىلىمدارى ودان ءارى دامي تۇسەتىنى انىق.
وسىعان بايلانىستى, شاعىن جانە ورتا بيزنەس ءوندىرىسىن دامىتۋ مەن قوسىمشا ينۆەستيتسيالار تارتۋعا باعىتتالعان جاڭا يندۋستريالىق ايماقتار قۇرۋ ماسەلەسىن شەشۋ ءۇشىن بورالداي يندۋستريالىق ايماعى قۇرىلۋدا. وندا 70 ونەركاسىپتىك كاسىپورىن ورنالاستىرىپ, 3000-عا جۋىق جاڭا جۇمىس ورىندارىن اشۋ جوسپارلانۋدا.
بۇل اۋدان تۇرعىندارى جاڭا جۇمىس ورىندارىمەن قامتىلىپ, ءتۋريزمنىڭ دامىتىلاتىنىن ءبىلدىرەدى. شاعىن جانە ورتا بيزنەس پەن ىسكەرلىك بەلسەندىلىك نىعايادى. ارينە مەملەكەت تاراپىنان جەڭىلدەتىلگەن نەسيە, شاعىن نەسيە, قارجىلاي ساۋىقتىرۋ سياقتى كومەكتەر كورسەتىلۋدە. حالىقتىڭ تۇرمىسىن جاقسارتۋ باعىتى بويىنشا سول ەلدىڭ جۇمىسسىز ادامدارىن جۇمىسقا ورنالاستىرۋ جانە از قامتاماسىز ەتىلگەن توبىن الەۋمەتتىك كومەكتەرمەن قامتاماسىز ەتۋ بولىپ تابىلادى.
اڭگىمەلەسكەن
نۇربول الدىباەۆ,
«ەگەمەن قازاقستان».
الماتى وبلىسى.
