- سونداي-اق, ۇساق بۇزاقىلىق, سپورتتىق ءىس-شارالاردا ءوزىن-ءوزى ۇستاۋ ەرەجەلەرىن بۇزۋ, قوعامدىق ورىندا الكوگول ىشىمدىكتەردى ءىشۋ بويىنشا قۇقىقبۇزۋشىلارعا اكىمشىلىك شارا قولدانىلدى, - دەدى ۆەدومستۆو باسشىسى, ءىىم رەسمي وكىلى شىڭعىس الەكەشەۆ.
الەكەشەۆ مۇنداي ارەكەت تەك "فۋتبول جانكۇيەرلەرىنىڭ" ينستيتۋتىنا عانا ەمەس, بۇكىل ەلدىڭ يميدجىنە نۇقسان كەلتىرەتىنىن اتاپ ءوتتى.
- كوماندالارىڭىزعا جانكۇيەر بولىپ , ولارعا ەموتسيونال تۇردە قولداۋ كورسەتۋگە بولادى جانە كەرەك, تەك ءبارى زاڭ اياسىندا بولۋى قاجەت. ءوز مىنەز-قۇلقىڭىزبەن قارسىلاستارىڭىزدى نەمەسە قاراپايىم ازاماتتاردى رەنجىتپەي-اق, - دەدى قۇقىق قورعاۋ ورگانىنىڭ وكىلى.
سونداي-اق, باسقارما باسشىسى "زاڭ بارشاعا بىردەي" دەگەن قاعيدانى ساقتاۋ كەرەگىن ەسكە سالدى. قوعامدىق ءتارتىپتى بۇزاتىن ءاربىر زاڭسىز ارەكەت مىندەتتى تۇردە جاۋاپكەرشىلىككە اكەپ سوعادى.
بۇعان دەيىن "اقتوبە" فۋتبول كلۋبىنىڭ جانكۇيەرلەرى الماتى مەتروسىندا شوۋ ۇيىمداستىرعان بولاتىن. جانكۇيەرلەردىڭ قالىڭ توبى ايقايلاپ, سەكىرىپ, مەتروداعى وتكەلدى جاۋىپ تاستادى.
