ۆەتەرينارلارعا – ارناۋلى كولىكتەر

اتىراۋ وبلىسىنىڭ ۆەتەرينارلارى ءۇشىن ارنايى جابدىقتالعان 14 اۆتوكولىك الىندى. ۆەتەريناريا باسقارماسىنىڭ باسشىسى نۇروللا ساتەنوۆتىڭ ءمالىم ەتۋىنشە, اۋرۋ مالداردى تاسىمالداۋعا ارنايى جابدىقتالعان كولىكتەردى ساتىپ الۋعا رەسپۋبليكالىق بيۋدجەتتەن 178 ميلليون تەڭگە ءبولىنىپتى. ءار كولىكتە دەزينفەكتسيالىق قون­دىرعى ورناتىلعان. مال سانىنىڭ كوپتىگىمەن ەرەكشەلەنەتىن قىزىل­قوعا اۋدانىنا – ەكى, ال قالعان اۋداندارعا ءبىر كولىكتەن ءبولىندى. ستاتيستيكالىق مالىمەتتەرگە قاراعاندا, قازىر وبلىس شارۋا­گەرلەرىنىڭ باعىمىندا 600 مىڭداي قوي-ەشكى, 200 مىڭ سيىر, 50 مىڭنان استام تۇيە مەن 30 مىڭ جىلقى بار دەپ ەسەپتەلەدى. سوڭعى بەس جىلدا جەكە يەلىك­تەگى مالدىڭ برۋتسەللەزبەن اۋىرۋ كورسەتكىشى 4 ەسەگە دەيىن ازايىپتى. بيىل وسى اۋرۋدىڭ الدىن الۋ ءۇشىن ۆاكتسينا سالۋعا رەسپۋبليكالىق بيۋدجەتتەن بولىنگەن 275 ميلليون تەڭگە تولىقتاي يگەرىلىپتى. «ەندى بيىل وسى ماقساتتاعى جۇمىستاردى جالعاستىرۋ ءۇشىن جەر­گىلىكتى بيۋدجەتتەن 10 ميلليون تەڭگە ءبولىندى», دەيدى باس ۆەتەرينار نۇروللا ساتەنوۆ. وسى ايدان باستاپ 34 مامان 10 ارنا­يى كولىكپەن الدىن الا ساۋىق­تىرۋ جۇمىستارىنا كىرىسەدى. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەتتى تۇسىرگەن راحىم قويلىباەۆ.