فوتو: gov.kz
ساراپشىلاردان بولەك كەزدەسۋگە سەنات دەپۋتاتتارى, ءىىم, كونستيتۋتسيالىق, يۋۆەنالدى جانە جوعارعى سوت وكىلدەرى, مەدياتورلار بىرلەستىكتەرى ۇيىمدارىنىڭ باسشىلارى قاتىستى. باسقوسۋدى ازاماتتىق قوعام ىستەرى كوميتەتىنىڭ توراعاسى گۇلبارا سۇلتانوۆا باستاپ:
– مەدياتسيا – ءومىردىڭ بارلىق سالالارىندا ازاماتتار ءومىرىنىڭ اجىراماس بولىگى. ازاماتتاردىڭ ءوزارا بەيبىت ءوزارا ءىس-قيمىلىن قامتاماسىز ەتۋ ۇدەرىستەرىن جەڭىلدەتەدى. مادەنيەت جانە اقپارات مينيسترلىگى مەدياتسيا جۇيەسىنىڭ جۇمىس ىستەۋىن جانە دامۋىن قامتاماسىز ەتۋ جونىندەگى ۋاكىلەتتى ورگان رەتىندە قازىرگى ۋاقىتتا سوتتان تىس مەدياتسيا ينستيتۋتىن ودان ءارى دامىتۋ تۇجىرىمداماسىن ازىرلەۋ جونىندە جۇمىس جۇرگىزىپ جاتىر. سوعان بارلىق مەدياتورلاردى بەلسەندى تۇردە قاتىسۋعا شاقىرامىز, – دەدى.
فورۋم اياسىندا ينتەراكتيۆتى پانەلدىك پىكىرتالاستار, «قازاقستان – بولگاريا: مەدياتسيانى قولدانۋدىڭ حالىقارالىق تاجىريبەسى» تاقىرىبىندا سەمينارلار ءوتتى. وندا قاتىسۋشىلار ەكى ەلدەگى مەدياتسيا تاجىريبەسىن ەگجەي-تەگجەيلى زەردەلەپ, يدەيالار مەن تاجىريبە الماستى. باسقوسۋ سوڭىندا قاتىسۋشىلارعا ارنايى سەرتيفيكاتتار تابىستالدى.
سونداي-اق دەلەگاتتار استانانىڭ يۋۆەنالدى سوتىنىڭ تاتۋلاستىرۋ ورتالىعىنا جانە «جانۇيا» وتباسىن قولداۋ ورتالىعىنا بارىپ, مەدياتسيانى سوت تاجىريبەسىندە جانە وتباسىلاردى قولداۋ جۇيەسىندە قولدانۋ تەتىكتەرىمەن تانىستى.
