قازاقستانداعى گاز سالاسىنىڭ كوشباسشىسى «QazaqGaz» ۇلتتىق كومپانياسى مەن ونىڭ بارلىق ەنشىلەس تاۋەلدى كومپانيالارى دا وسى ماقساتتى بەرىك ۇستانادى. كومپانيا باسشىلارى وندىرىستىك نىساندارىندا اپاتسىز قىزمەتتى قامتاماسىز ەتۋ, جۇمىسشىلارعا قاۋىپسىز ەڭبەك جاعدايىن جاساۋ, وندىرىستەگى جازاتايىم وقيعالار مەن كاسىپتىك اۋرۋلاردىڭ الدىن الۋ ءۇشىن بارلىق جاۋاپكەرشىلىكتى تولىق سەزىنەدى. بۇل رەتتە زياندى جانە قاۋىپتى وندىرىستىك فاكتورلاردىڭ جۇمىسشىلارعا اسەر ەتۋ دەڭگەيىن تومەندەتۋگە, كاسىبي تاۋەكەلدەر دەڭگەيىنە زور ءمان بەرىلەدى.
«ينتەرگاز ورتالىق ازيا» كومپانياسىندا باسشىلار مەن جەلىلىك پەرسونالدار اراسىندا قاۋىپسىزدىك مادەنيەتىنىڭ دەڭگەيىن ارتتىرۋ بويىنشا ءىس-شارالار جۇيەلى تۇردە جۇرگىزىلەدى. ال ەڭبەكتى قورعاۋ سالاسىنداعى زاڭناما تالاپتارىن ساقتاۋ – كاسىپورىن قىزمەتىن باسقارۋدىڭ جالپى جۇيەسىنىڭ ماڭىزدى جانە اجىراماس بولىگى, سونىمەن قاتار تۇراقتىلىقتىڭ, ەكونوميكالىق جاعدايدىڭ جاقسارۋى مەن بارلىق قىزمەتكەردىڭ ءال-اۋقاتىنىڭ كەپىلى.
2024 جىلعا ارنالعان ونەركاسىپتىك قاۋىپسىزدىك جونىندەگى ءىس-شارالار جوسپارىن جۇزەگە اسىرۋ ماقساتىندا قۇرامىنا «ينتەرگاز ورتالىق ازيا» اق كىرەتىن «QazaqGaz» ۇك» اق «نولدىك جاراقاتقا 12 قادام» باستاماسىن ىسكە اسىرۋعا باستاپقى باعالاۋ جۇرگىزدى. ءوزىن-ءوزى باعالاۋ ورتالىق اپپاراتتا دا, وندىرىستىك فيليالداردا دا جۇرگىزىلدى. ال بۇل – ءوز الدىنا بىردە-ءبىر جۇمىسكەردىڭ جۇمىس ورنىندا زارداپ شەكپەۋىنە باعىتتالعان ماڭىزدى قادام.
ونەركاسىپتىك قاۋىپسىزدىكتى قامتاماسىز ەتۋگە جاۋاپتى جۇمىسشىلاردىڭ بىلىكتىلىگىن ارتتىرۋعا كوپ كوڭىل بولىنەدى. ويتكەنى بۇل – كومپانيانىڭ نەگىزگى تىرەگى مەن باسىمدىقتارىنىڭ ءبىرى. ونىڭ قۇنى ادام ءومىرى مەن دەنساۋلىعىنا تاتيتىن بولسا, ەشقانداي جەتىستىك نەمەسە تابىس ماڭىزدى بولماق ەمەس. وسىنىڭ بارلىعىن انىق تۇسىنگەن كومپانيا فيليال ديرەكتورلارى, باس ينجەنەرلەر جانە HSE توبىنىڭ مەنەدجەرلەرى ءۇشىن «IOSH قاۋىپسىزدىكتى باسقارۋ» (IOSH Managing Safety) باعدارلاماسى بويىنشا وقىتۋ كۋرسىن ۇيىمداستىردى. قازىرگى ۋاقىتتا بەس فيليال مەنەدجەرى وسى باعدارلاما بويىنشا وقۋدى اياقتاپ, العان پايدالى ءبىلىمىن جۇمىس پروتسەسىنە ەنگىزىپ جاتىر.
جۇمىسشىلاردىڭ دەنساۋلىعىن ساقتاۋ دا ماڭىزدى. وزدەرىڭىز بىلەتىندەي, اۋرۋدى ەمدەۋدەن گورى الدىن الۋ وڭاي. سوندىقتان مەديتسينالىق قامتاماسىز ەتۋ باعدارلاماسىنىڭ العاشقى شارالارى اۋرۋدىڭ الدىن الۋعا, اۋرۋدى ەرتە انىقتاۋعا جانە پروفيلاكتيكاعا باعىتتالعان. بۇل مىندەتتىڭ ورىندالۋىن قامتاماسىز ەتەتىن شارالاردىڭ ءبىرى – مەرزىمدى مەديتسينالىق تەكسەرۋلەر. بيىلدان باستاپ مەديتسينالىق تەكسەرۋلەردىڭ اۋقىمى كەڭەيتىلدى, كارديولوگتاردىڭ كەڭەستەرى مەن دياگنوستيكالىق زەرتتەۋلەر ەنگىزىلدى. بۇل باستاپقى كەزەڭدە جۇرەك-قان تامىرلارى اۋرۋلارىنىڭ دامۋ قاۋپىن انىقتاۋعا مۇمكىندىك بەرەدى.
سونىمەن قاتار 2023 جىلى ەنگىزىلگەن «كەزدەيسوق سكرينينگ» ناتيجەلەرى بويىنشا ءبىرىنشى توقساندا وسى نوزولوگيالىق توپقا بايلانىستى اۋرۋلار مەن ءولىم-ءجىتىم سانىن ازايتۋعا باعىتتالعان «جۇرەك-قان تامىرلارى اۋرۋلارىنىڭ الدىن الۋ باعدارلاماسى» ازىرلەندى. سونداي-اق دەنساۋلىقتى قورعاۋ جانە ەڭبەك گيگيەناسى, وندىرىستىك سانيتاريا, قىزمەتكەرلەردىڭ دەنساۋلىعىن جاقسارتۋ جونىندەگى ءىس-شارالار جوسپارى ازىرلەندى. بۇل ءجيى جانە ۇزاق ۋاقىت اۋىراتىن جۇمىسشىلاردىڭ سانىن ازايتۋعا باعىتتالعان. اتالعان قۇرالداردىڭ بارلىعى قىزمەتكەرلەردىڭ دەنساۋلىعىنا قاتىستى ماسەلەلەردى ۋاقتىلى انىقتاۋعا, سوزىلمالى اۋرۋلاردىڭ ءورشۋ جيىلىگىن تومەندەتۋگە, سونداي-اق قاجەت بولعان جاعدايدا جەدەل مەديتسينالىق كومەك كورسەتۋگە مۇمكىندىك بەرەدى.
بيىل كومپانيا ءوزىنىڭ ءوندىرىس ورىندارىندا دەنساۋلىق مەكتەپتەرىن اشۋدى دا جوسپارلاپ وتىر. نەگىزگى ماقسات – قىزمەتكەرلەردى سالاماتتى ءومىر سالتى داعدىلارىنا ۇيرەتۋ جانە ولاردىڭ دەنساۋلىعىنا اسەر ەتەتىن ماسەلەلەر بويىنشا قۇزىرەتتىلىگىن ارتتىرۋ.
«ينتەرگاز ورتالىق ازيا» اق-دا جەدەل مەديتسينالىق كومەك كورسەتۋ جۇيەسى دە جۇمىس ىستەيدى. جاعدايدى باعالاۋ نەگىزىندە كومپانيا اۋرۋلار مەن جاراقاتتاردىڭ دامۋىنداعى كۇردەلى اسقىنۋلاردىڭ دامۋ قاۋپىن تومەندەتۋ بويىنشا شارالار قابىلدادى: ارەكەت ەتۋدىڭ ءار كەزەڭىندە قاتاڭ ۋاقىت ەرەجەلەرى قامتاماسىز ەتىلەدى, قىزمەتكەرلەر وقىتىلادى جانە مەديتسينالىق توتەنشە جاعداي كەزىندە ءوزارا ارەكەتتەسۋ شارالارى تۋرالى حابارلانادى. سونىمەن قاتار ءاربىر بولىمشەگە توتەنشە جاعداي كەزىندە جەدەل مەديتسينالىق كومەك كورسەتۋگە دايىن, مامانداندىرىلعان ورتالىقتاردا وقۋدان وتكەن جانە ءتيىستى سەرتيفيكاتى بار پارامەديك كىرەدى. مۇنىڭ بارلىعى بىرىگىپ «ينتەرگاز ورتالىق ازيا» اق بارلىق نىساندارىنداعى قاۋىپسىزدىكتىڭ جوعارى دەڭگەيى تۋرالى ايتۋعا مۇمكىندىك بەرەدى.
