– حالىقتىڭ از قامتىلعان توبىنا باسپانا بەرۋ, قامقورلىق كورسەتۋ – ەلىمىزدىڭ الەۋمەتتىك-ەكونوميكالىق دامۋ باعدارىنىڭ نەگىزگى باسىمدىعى ەكەنىن بىلەسىزدەر. وتكەن جىلى ايماقتا 4 108 پاتەرلىك 300 تۇرعىن ءۇي سالىندى, 2 400-گە جۋىق پاتەر تابىستالىپ, 11 مىڭنان اسا تۇرعىن باسپاناعا قول جەتكىزدى. بيىل بيۋدجەت قاراجاتى ەسەبىنەن 13,3 ملرد تەڭگەگە 1 269 پاتەرلىك 67 تۇرعىن ءۇي قۇرىلىسى جۇرگىزىلەدى. جىل باسىنان بەرى 252 وتباسىنا پاتەر كىلتىن تابىستاعان ەدىك. بۇگىن سولاردىڭ قاتارىن 150 ۇيەلمەن تولتىرىپ, قونىستويىن تويلايدى. الدا «سىر جاستارى» جەڭىلدەتىلگەن يپوتەكالىق نەسيە باعدارلاماسىمەن تاعى دا 60 شاقتى جاس وتباسى باسپانالى بولادى, – دەدى وبلىس اكىمى.
وسى جولى پاتەرلەر مۇگەدەكتىگى بار ازاماتتارعا, تولىق ەمەس وتباسىلارعا, جەتىم بالالارعا بەرىلدى. جاڭا 60 جانە 90 پاتەرلىك كوپقاباتتى تۇرعىن ۇيلەردى ء«سات سەرۆيس» جانە «سك دانەكەر» سەرىكتەستىكتەرى سالدى. قونىستوي يەلەرى اتىنان ايسۇلۋ وشپانوۆا قۋانىشىن جەتكىزسە, قۇرىلىس سالاسىنىڭ ارداگەرى اقمۇرات مادياروۆ باتا بەردى. ءوڭىردىڭ الەۋمەتتىك-ەكونوميكالىق دامۋىنا ۇلەس قوسقان تۇرعىندار مەن قۇرىلىستى ساپالى سالۋعا اتسالىسقان مەردىگەر مەكەمە قىزمەتكەرلەرى دە ماراپاتتالدى. بۇگىندە قىزىلوردا قالاسى مەن اۋدانداردا بوي كوتەرگەن الەۋمەتتىك نىسانداردىڭ ساۋلەتتى, ساپالى جانە ۇيلەسىمدى بولۋىنا باسا نازار اۋدارىلىپ كەلەدى. قۇرىلىسقا قويىلاتىن تالاپتاردىڭ بۇلجىتپاي ورىندالۋى دا قاتاڭ باقىلاۋدا تۇر.
جالپى, وبلىستا قۇرىلىس قارقىندى ءجۇرىپ جاتىر. قالانىڭ سول جاعالاۋىنان 300 ورىندىق جاتاقحاناسى بار 400 ورىندىق فيزيكا-ماتەماتيكا مەكتەپ-ينتەرناتى بوي كوتەرىپ كەلەدى. وسى اۋداننان تاريحي-ولكەتانۋ مۋزەيى عيماراتىنىڭ ىرگەسى قالانار كۇن دە الىس ەمەس.
مەملەكەت باسشىسىنىڭ باستاماسىمەن قولعا الىنعان «جايلى مەكتەپ» ۇلتتىق جوباسى اياسىندا بيىل 10 مەكتەپ ەل يگىلىگىنە تابىستالادى, تاعى 11-ءىنىڭ قۇرىلىسى باستالادى. بالالار مەن جاسوسپىرىمدەر شىعارماشىلىعىن ۇشتايتىن «شىعارماشىلىق اكادەمياسى», جاڭاقورعان, شيەلى اۋداندارىندا وقۋشىلار ءۇيى مەن ونەر مەكتەپتەرى سالىنادى.
قىزىلوردا
