سۋرەتتى تۇسىرگەن – تىلەۋبەك شاياحمەت
ەرەكشە كوز تارتاتىن بارەلەفتى فيگۋرا تازا التىننان قۇيىلعان. بۇعىنى شەبەر جاتقان قالىپتا بەينەلەپتى. اياقتارى بۇگىلگەن, تۇياقتارى وتكىر, ءمۇيىزى سالالى. جانۋاردىڭ باسى تىك كوتەرىلگەن. زەرگەر اشا تۇياقتى اڭنىڭ ءمۇسىنىن جاساپ قانا قويعان جوق, مىنەزىن دە بەرە بىلگەن. كەربەز. مۇيىزدەرى ارتقا قاراي قيسايعان, باسى كوتەرىڭكى. شاعىن عانا ءمۇسىننىڭ ءوزى ديناميكالىق سيپاتتا جاسالعان. كوزدەرىن كوگىلدىر تاسپەن كومكەرگەن. كوزدەرىن عانا ەمەس, دەنەسى, تۇياقتارى دا باعالى تاسپەن زەرلەنىپتى. الايدا ولار ءبۇتىن ساقتالماعان ەكەن. يىعىنداعى تامشى تارىزدەس ورىنداعى تاس ءتۇپ ورنىمەن جوق. ال سىنىقتارىن زەرتتەگەن ماماندار كوگىلدىر تاستى لازۋلي دەپ تاپقان. شاعىن عانا مۇسىنگە ۇڭىلە قاراساڭىز, دەنەسىندە, موينىندا جانە بەت سۇيەگىندە ىلمەكتەر بار.
سونىمەن قاتار ءمۇيىزدى بۇعىنىڭ جانىنان جەتى بىردەي مارال ءمۇسىنى تابىلعان. اشەكەي بۇيىم رەتىندە جاسالعان بۇل مۇسىندەردىڭ دە اياقتارى بۇگىلگەن, مويىندار تىك كوتەرىلگەن. دەگەنمەن, ءاربىر بۇعى فيگۋراسىندا ايىرماشىلىق بار. بەينەلەنگەن مارالداردىڭ دا كوزدەرى, قۇلاقتارى ءتۇرلى-ءتۇستى تاستارمەن كومكەرىلگەن. بىراق ءبارى بىردەي ساقتالماعان.
فيگۋرالاردان فيلوسوفيالىق وي تۇيەتىن بولساق, ەجەلگى شەبەر پاتشايىمنىڭ و دۇنيەدە پايدالانادى-اۋ دەگەن جاۋىنگەرلىك جابدىقتارىنىڭ بەتىن بەزەندىرۋ ءۇشىن بۇعى-مارال فيگۋرالارىن پايدالانعان. تۇياقتى جانۋارلاردى قاسيەت تۇتسا كەرەك. ايتا كەتەيىك, ءبىزدىڭ زامانىمىزعا دەيىنگى VIII عاسىرعا جاتاتىن بۇل فيگۋرالار شىلىكتى جازىعىنداعى قورعانداردان دا تابىلعان.
شىعىس قازاقستان وبلىسى
