«مادەنيەت جانە اقپارات مينيسترلىگى ءوز قۇزىرەتى شەگىندە مەديا-كەڭىستىكتە مونيتورينگ جۇرگىزۋ بارىسىندا «ProTenge» تەلەگرام-ارناسىندا اقپارات تارالۋ فاكتىسىن انىقتادى (ونى ا.نيازوۆ رەپوست جاساعان). الايدا, كەيىن ونى مەملەكەتتىك ورگاندار تەرىسكە شىعاردى.
بۇل ماتەريال دايەكسىز دەپ تانىلۋى مۇمكىن باسقا ماتەريالدارمەن بىرگە باعالاۋ جانە ءتيىستى ارەكەت ەتۋ ءۇشىن ىشكى ىستەر ورگاندارىنا جىبەرىلدى.
جالعان اقپارات تاراتۋعا بايلانىستى فاكتىلەر بويىنشا ودان ءارى قۇقىقتىق باعا بەرۋ, ءتيىستى شارالار قابىلداۋ ىشكى ىستەر ورگاندارىنىڭ قۇزىرەتىنە جاتادى. قازىرگى ۋاقىتتا ءىس ماتەريالدارى اكىمشىلىك سوتقا جىبەرىلدى.
مادەنيەت جانە اقپارات مينيسترلىگىنىڭ پوليتسيا قىزمەتكەرلەرىنىڭ ارەكەتىنىڭ زاڭدىلىعى مەن نەگىزدىلىگىن باعالاۋعا قۇقىعى جوق.
بۇل «مام بەرگەن تالاپتار» دەپ حابارلاۋ دۇرىس ەمەس, مۇنداي مالىمدەمەلەر شىندىققا جاناسپايدى.
جالپى, مينيسترلىك بۇقارالىق اقپارات قۇرالدارىنىڭ قۇقىنىڭ بۇزىلۋىنا جول بەرمەۋ ۇستانىمىن ۇدايى ۇستانادى. سونداي-اق جۋرناليستەردى قازاقستان رەسپۋبليكاسىنىڭ زاڭناماسىن بۇزباعان جاعدايدا ءاردايىم قورعاۋعا دايىن.
باق پەن ازاماتتاردى جالعان جانە تەكسەرىلمەگەن اقپارات تاراتپاۋعا شاقىرامىن», دەپ جازدى مينيستر ايدا بالاەۆا.
