فوتو: polisia.kz
ولار وسكەمەندە ەسىرتكى زاتىن ساتۋمەن اينالىساتىن سايتتاردىڭ قاعازدارىن جاپسىرۋمەن اينالىسقان.
جەدەل ۋاكىلدەر كۇدىكتىلەردى قىلمىس ورنىنان ۇستاعان. زاتتاي دالەل رەتىندە 41 جاستاعى ەر ادام مەن ونىڭ 28 جاستاعى جۇبايىنان ەسىرتكى جارناماسىنىڭ جاپسىرمالارى تاركىلەنگەن.
كۇدىكتىلەردىڭ ايتۋىنشا, ولار بۇل قاعازدار ارقىلى ەسىرتكى زاتتارىن جارنامالاعاندارى تۋرالى بىلمەگەن. ايەل ادام بۇل «تاپسىرمانى» جۇمىس بەرۋشىدەن العانىن, ول وعان بروشيۋرالاردى قالا بويىنشا جاپسىرۋ كەرەك ەكەنىن تۇسىندىرگەن. كەلىنشەك بۇل جۇمىسقا وزىنىڭ كۇيەۋىن دە تارتقان.
قازىرگى ۋاقىتتا كۇدىكتىلەرگە قاتىستى ەسىرتكى, پسيحوتروپتىق زاتتاردى, ولاردىڭ انالوگتارىن تۇتىنۋعا كوندىرگەنى ءۇشىن قىلمىستىق ءىس قوزعالدى.
ايىبى دالەلدەنگەن جاعدايدا ەرلى-زايىپتىلار ءتورت جىلعا دەيىن باس بوستاندىعىنان ايىرىلۋى مۇمكىن.
