بۇيرىق جوباسىندا اي-92 جانە اي-93 ماركالى بەنزيننىڭ باعاسى ليترىنە 245 تەڭگە دەڭگەيىندە بەلگىلەنەدى دەپ بولجانادى. قازاقستاندا بەرىلگەن جۇرگىزۋشى كۋالىگىن كورسەتكەن كەزدە تاۋلىگىنە 100 ليترگە دەيىنگى كولەمدە باعا ليترىنە 205 تەڭگە قالپىندا وزگەرىسسىز قالادى. ەلىمىزدە بەرىلگەن موتوتسيكل, جەڭىل, جۇك, ارنايى, مامانداندىرىلعان اۆتوموبيلدەر مەن اۆتوبۋستارعا جۇرگىزۋشى كۋالىگى مەن كولىك قۇرالىن تىركەۋ تۋرالى كۋالىك ۇسىنىلعان كەزدە تاۋلىگىنە 300 ليترگە دەيىن – ليترىنە 205 تەڭگە كولەمىندە.
قۇجاتتا ديزەل وتىنىنىڭ باعاسى (جازعى, ماۋسىمارالىق) ليترىنە 315 تەڭگەنى قۇرايدى دەپ بولجانادى. قازاقستاندا بەرىلگەن جۇرگىزۋشى كۋالىگىن كورسەتسە ليترىنە 295 تەڭگەدەن تاۋلىگىنە 100 ليترگە دەيىن الادى. سونىمەن قاتار جۇك, ارنايى, مامانداندىرىلعان اۆتوموبيلدەر مەن اۆتوبۋستارعا جۇرگىزۋشى كۋالىگىن جانە كولىك قۇرالىن تىركەۋ تۋرالى كۋالىكتى كورسەتكەن كەزدە تاۋلىگىنە 300 ليترگە دەيىن – ليترىنە 295 تەڭگەدەن الادى.
بۇيرىقتىڭ جوباسى بارلىق مۇددەلى تاراپتاردىڭ تالقىلاۋى مەن ۇسىنىستارى ءۇشىن «اشىق نقا» سايتىندا جاريالاندى.
