سۋرەتتى تۇسىرگەن ەرلان ومار, «EQ»
ەلىمىزدە سۋ تاسقىنى كەزىندە وبلىس بويىنشا مونيتورينگتىك توپتاردىڭ جۇمىسى كۇشەيتىلدى. رەيدتەر ءىرى ساۋدا ورىندارى مەن جەرگىلىكتى دۇكەندەردى ءجىتى باقىلاۋعا الدى. سونىمەن قاتار باعانىڭ نەگىسسىز وسۋىنە جول بەرمەۋ ءۇشىن ازىق-ت ۇلىك تاۋارلارىنا باعا بەلگىلەۋدىڭ بۇكىل تىزبەگى بويىنشا دەلدالدىق سحەمالاردى تەكسەرۋ جونىندەگى كوميسسيانىڭ جۇمىسى كۇشەيتىلدى.
«مونيتورينگ بارىسىندا كاسىپكەرلەردىڭ وسال جاعدايدى پايدالانىپ, الەۋمەتتىك ماڭىزى بار تاۋارلار تىزىمىنە ەنگىزىلگەن تاۋارلاردىڭ باعاسىن كوتەرۋ فاكتىلەرى انىقتالدى. اتالعان كاسىپكەرلىك سۋبەكتىلەرىنە ەسكەرتۋ جانە ايىپپۇل تۇرىندەگى اكىمشىلىك جازالار قولدانىلدى. 204-باپتىڭ 4-تارماعىنىڭ «تجقق-دا تاۋار ستاۆكاسىنىڭ اسىپ كەتۋى» بويىنشا 17 ساۋدا سۋبەكتىسىنىڭ يەلەرى جاۋاپكەرشىلىككە تارتىلدى, ونىڭ ىشىندە ەكى ساۋدا نۇكتەسى توتەنشە جاعداي جاريالانعان اۋماقتاردا ورنالاسقان. سونداي-اق اۋدانداردا تاعى 4 دۇكەن يەسىنە قاتىستى اكىمشىلىك ءىس قارالىپ جاتىر», دەيدى وبلىستىق كاسىپكەرلىك باسقارماسىنىڭ باسشىسى الماس سالىقباەۆ.
ايتا كەتسەك, ءوڭىر تۇرعىندارى ءۇشىن ءامت باعاسىنىڭ كوتەرىلۋى تۋرالى حابار بەرۋگە بولاتىن سەنىم تەلەفونى اشىلدى.
قىرمىزى جۇماعاليقىزى,
ەۇۋ ستۋدەنتى
