اتىراۋلىقتارعا – ايقارا قۇشاق

جاۋاپتى باسشىلار قوناق­تار­دى قابىلداپ الىپ, قالالىق جۇمىسپەن قامتۋ جانە الەۋمەتتىك باعدارلامالار بولىمىنە قاراستى زەينەتكەرلەرگە جارتىلاي ستا­تسيو­نارلىق جاعدايدا ارناۋلى الەۋمەتتىك قىزمەتتەر كورسەتۋ ورتالىعى مەن ي.ابدىكارىموۆ اتىنداعى قىزىلوردا اگرارلىق-تەحنيكالىق جوعارى كوللەدجىنىڭ جاتاقحاناسىنا ورنالاستىردى. ولاردىڭ قاجەتتىلىكتەرىن جەر­گىلىكتى اكىمدىك قامتاماسىز ەتەدى.

قازىر اتىراۋدان كەلگەن ازا­مات­­تارعا 3 مەزگىل ىستىق تاماق بە­رىلىپ, دەنساۋلىعىن دارى­­­گەر­لەر تۇراقتى باقىلاپ وتىر. ولار­دىڭ ۇساق-تۇيەك قاجەت­تى­لىكتەرىن جەتكىزىپ بەرۋدى «اmاnat» پارتيا­سى­نىڭ وبلىستىق فيليالى قادا­عا­­لاۋعا العان.

جالپى سىر بويى جۇرتشى­لى­عى سۋ تاس­قىنى بولعان كورشىلەس اقتوبە وبلىسىنا 9,8 ملن تەڭگە قارجىلاي, 67 ملن تەڭگە ازىق-ت ۇلىك پەن زاتتاي كومەك كورسەتىپتى. قارعىن سۋدان قيىندىق كورىپ وتىرعان وزگە وڭىرلەرگە دە 50 ملن تەڭگەنىڭ كولەمىندە قاجەتتى زاتتار جىبەرىلدى. بۇعان قوسا باتىس قازاقستان وبلىسىنا 106 ارنايى تەحنيكا جونەلتىلدى.

قىزىلوردا