اتىراۋ, باتىس قازاقستان, قوستاناي, سولتۇستىك قازاقستان جانە ەلىمىزدىڭ باسقا دا وبلىستارىنىڭ تۇرعىندارى ارنايى قۇرىلعان وڭىرلىك كوميسسيالارعا ءتيىستى وتىنىشتەرىن بەرىپ جاتىر. بۇگىنگى تاڭدا 16 862 ءوتىنىش كەلىپ تۇسكەن.
بيىلعى جىلدىڭ 20 ساۋىرىندەگى جاعداي بويىنشا 8 814 وتباسى جالپى سوماسى شامامەن 3,2 ملرد تەڭگە بولاتىن 100 اەك كولەمىندەگى بىرجولعى تولەم الدى. 2 مىڭنان استام وتباسى كەلتىرىلگەن ماتەريالدىق شىعىن ءۇشىن 1 ملرد تەڭگەگە جۋىق وتەماقى الدى. مال شىعىنى ءۇشىن بەرىلگەن وتەماقىنىڭ جالپى سوماسى 89 ملن تەڭگەگە جەتتى.
قازىرگى تاڭدا زارداپ شەككەن وڭىرلەردە 3 210 تۇرعىن ءۇي تەكسەرىلىپ, ولاردىڭ 1 969-ىنا باعالاۋ جۇرگىزىلدى. 311 ۇيدە جوندەۋ جۇمىستارىن جۇرگىزۋ ءۇشىن 447 ملن تەڭگەدەن استام قارجى ءبولىندى. 35 وتباسىعا ەسكى ءۇيدىڭ ورنىنا جاڭا باسپانا جانە پاتەرلەر بەرىلدى.
كەلتىرىلگەن شىعىندى وتەۋ جۇمىستارى جالعاسىپ جاتىر جانە ولار ۇكىمەتتىڭ قاتاڭ باقىلاۋىندا. ەل پرەزيدەنتىنىڭ تاپسىرماسى بويىنشا بارلىق زارداپ شەككەن ازاماتقا جان-جاقتى كومەك پەن قولداۋ كورسەتىلەدى.
