فوتو: info.homsters.kz
بۇعان دەيىن تۇرعىن ۇيگە جاتپايتىن جىلجىمايتىن مۇلكى, ورتاق جەكەشەلەندىرىلگەن تۇرعىن ۇيدەگى ۇلەسى, جەر تەلىمى بار ازاماتتاردىڭ وتىنىشتەرى كەرى قايتارىلىپ وتىرعان.
ەندى «وتاۋ» يپوتەكالىق باعدارلاماسى اياسىندا وسى ساناتقا جاتاتىن تۇرعىندار دا ءۇي الۋعا ءوتىنىش بەرە الادى.
«وسى ۋاقىتقا دەيىن باعدارلاماعا قاتىسۋشى مەن ونىڭ وتباسى مۇشەلەرىنىڭ سوڭعى 5 جىل ىشىندە جىلجىمايتىن م ۇلىككە يەلىك ەتپەگەنى تۋرالى ماسەلە مەملەكەتتىك دەرەكتەر بازاسىمەن ينتەگراتسيانىڭ ارقاسىندا جۇيەمەن اۆتوماتتى تۇردە تەكسەرىلىپ كەلدى. بىراق بۇل جاعدايدا ولار جىلجىمايتىن م ۇلىكتىڭ بار-جوعى تۋرالى تەك وڭ نەمەسە تەرىس جاۋاپ بەردى. تۇرعىن جانە تۇرعىن ەمەس جىلجىمايتىن م ۇلىك تۋرالى نەمەسە ازاماتتا اقپاراتتىڭ از عانا بولىگى بار-جوعى تۋرالى اقپارات بولعان جوق. سوندىقتان اۆتوتۇراعى, قويماسى, شارۋا قوجالىعى ءۇشىن جەر تەلىمدەرى نەمەسە جەكەشەلەندىرىلگەن ورتاق تۇرعىن ۇيدەگى ۇلەسى بار كوپتەگەن قازاقستاندىقتار «وتاۋ» باعدارلاماسىنا قاتىسۋعا ءوتىنىش بەرگەن كەزدە باس تارتىلدى. ەندى ولاردىڭ قايتا ءوتىنىش بەرۋگە مۇمكىندىگى بار, دەلىنگەن «وتباسى» بانكى تاراتقان حابارلامادا.
بانك بارلىق شارتتاردى ادامدار ارقىلى تەكسەرۋ فۋنكتسياسىن دا قوسقان.
باعدارلاما بويىنشا 22 ساۋىردەن باستاپ 30 ساۋىرگە دەيىن, ساعات 9:00-21:00 ارالىعىندا Baspana Market پورتالى ارقىلى ءوتىنىش قابىلدانادى.
«وتاۋ» باعدارلاماسىن نەسيەلەندىرۋ شارتتارى:
باستاپقى جارنا - 20 پايىزدان باستاپ;
نەسيە مولشەرلەمەسى - 9, 2 پايىزدان 11, 8 پايىزعا دەيىن;
نەسيە مەرزىمى - 19 جىلعا دەيىن.
