سۋرەتتەر اكىمدىكتىڭ ءباسپاسوز قىزمەتىنەن الىندى
«جاعداي جالپى قيىن ەكەنىن بىلەسىزدەر, 3 مىڭداي تۇرعىن ءۇيدى سۋ باستى, 14 مىڭ ادامدى ەۆاكۋاتسيالادىق. ءالى دە پەتروپاۆل قالاسىنىڭ كەيبىر اۋداندارى مەن قىزىلجار اۋدانىنىڭ 17 اۋلىندا سۋ تۇر. بىراق سۋ ەپتەپ تارتىلىپ كەلەدى. پەتروپاۆلدىڭ سۋ تورابىنداعى دەڭگەي 27 سم-گە تومەندەدى. ەكىنشى تولقىننىڭ كورسەتكىشتەرى بىرىنشىدەن كوپ بولمايدى. سوندىقتان ول جاعدايدى كۇردەلەندىرە قويماس دەپ سەنەمىز», دەدى ك.يۆاننيكوۆ.
كەشە ساعات 16.00-دە ەسىلدىڭ دەڭگەيى پەتروپاۆل سۋ قويماسىندا 1 198 سم بولدى, بۇل سەگىز ساعات بۇرىنعىعا قاراعاندا 2 سم-گە تومەن. ءدال وسى ۋاقىتتا سەرگەەۆ سۋ قويماسىنداعى سۋ دەڭگەيىنىڭ بيىكتىگى 1 083 سم بولدى. بۇل – بوگەتتەن اسقان بيىكتىك 283 سم دەگەن ءسوز. ەستەرىڭىزگە سالا كەتسەك, ول 425 سم-گە دەيىن كوتەرىلگەن ەدى. دەمەك بوگەتتەن اسقان سۋدىڭ بيىكتىگى 142 سم-گە تومەندەگەن.
پرەمەر-ءمينيستردىڭ ءبىرىنشى ورىنباسارى رومان سكليار مەن وبلىس اكىمى عاۋەز نۇمۇحامبەتوۆ ءالى دە سۋدا تۇرعان ويقالا شاعىن اۋدانىن قايىقپەن ءجۇزىپ, ارالادى. مۇنداعى سۋ ەسىلدىڭ دەڭگەيى تومەندەسە دە كەتپەيدى, ويتكەنى بوگەتكە سالىنعان دامبالاردان سۋ اسپاي قالىپ, اۋدان سۋدان ارىلا المايدى. وبلىس اكىمى ءوزىنىڭ الەۋمەتتىك جەلىدەگى پاراقشاسىنا: «سۋ كەتكەندە بۇل اۋدان ءالى دە قازانشۇڭقىرىندا قالا بەرەدى. سوندىقتان ونىڭ سۋىن سورعىلار مەن پومپالارمەن دالاعا ايداۋدى قالا اكىمىنە تاپسىرىپ وتىرمىن. وسى باستان بۇل ىسكە دايىن بولۋدى قاتاڭ ەسكەرتتىم», دەپ جازعان.
باسشىلار پەتروپاۆلداعى ەۆاكۋاتسيالىق بەكەتتەردە دە بولىپ, وندا ورنالاسقان تۇرعىندارمەن كەزدەستى. مۇنداعى تۇرعىنداردىڭ ءبارى بىررەتتىك ماتەريالدىق كومەك پەن سۋعا كەتكەن دۇنيە-م ۇلىكتىڭ وتەماقىسى قالاي تولەنەتىنىن جابىلا سۇرادى. وعان ەۆاكۋاتسيالىق بەكەتتەردە ءموبيلدى توپتار جۇمىس ىستەيتىنى, ولار جاردەماقى مەن وتەماقى تولەۋ ماسەلەسىمەن دە اينالىساتىنى ايتىلدى.
«بۇگىنگە دەيىن تۇرعىنداردان بىررەتتىك جاردەماقى الۋعا 2 مىڭنان اسا ارىز ءتۇستى, ولاردىڭ ىشىندە مىڭنان استامىنا 400 ملن تەڭگەنىڭ كومەگى جىبەرىلدى. ال دۇنيە-م ۇلىككە كەلتىرىلگەن زالالدىڭ شىعىنىن ارناۋلى كوميسسيا سۋ تارتىلعان سوڭ ەسەپتەيدى», دەدى اكىم.
سولتۇستىك قازاقستان وبلىسىنان سايلانعان سەناتور اسەم راحمەتوۆا پالاتانىڭ كەزەكتى وتىرىسىندا ۇكىمەت باسشىسىنىڭ اتىنا دەپۋتاتتىق ساۋال جولداپ, تاسقىن سۋدان زارداپ شەككەندەرگە كەلگەن شىعىندى وتەۋ قاعيدالارىن قايتا قاراۋدى ۇسىندى.
«تاسقىن سۋدان زارداپ شەككەن وڭىرلەردە قازىرگى كەزدە كەلگەن زالالدى وتەۋگە جانە بىرجولعى كومەك تولەۋگە قۇجاتتار قارقىندى تۇردە قابىلدانىپ جاتىر. الايدا ۇيلەرى سۋ استىندا قالعان كوپتەگەن تۇرعىن مەملەكەت تاراپىنان قاجەتتى ماتەريالدىق قولداۋ بولماي قالۋى مۇمكىن دەپ الاڭداپ وتىر. ويتكەنى سۋ باسقان ەلدى مەكەندەردەگى كەيبىر جالعا تۇرىپ جاتقاندار مەملەكەتتەن بەرىلەتىن بىرجولعى وتەماقىعا قول جەتكىزە الماۋى مۇمكىن. كەيبىر ەسەپشوتتارى بۇعاتتالعان تۇرعىندارعا بەرىلەتىن بىرجولعى وتەماقى بانكتەر تاراپىنان كرەديتتىك قارىزدى جابۋعا ۇستالىپ قالادى», دەدى ءا.راحمەتوۆا.
سونداي-اق ول زالالدى وتەۋ قاعيدالارىنا وزگەرىستەر ەنگىزۋدى, سۋ تاسقىنى كەزىندە تولىق قيراۋ نە جوعالتۋ سەبەبىنەن باعالاۋ جۇرگىزۋ مۇمكىن بولماعان تۇرعىن ءۇي ءۇشىن زالالدى وتەۋ تەتىگىن ازىرلەۋدى, تۇرعىن ءۇي ەمەس قۇرىلىستار مەن م ۇلىككە كەلگەن, ونىڭ ىشىندە سۋ تاسقىنى كەزىندە جوعالعان زاتتاردى وتەۋدى ەنگىزۋدى ۇسىندى. سونىمەن بىرگە توتەنشە جاعداي سالدارىنان زارداپ شەككەندەرگە كەلگەن زالالدى وتەۋگە قۇجاتتاردى بەرۋ مەرزىمىن 30-دان 60 كۇنگە دەيىن ۇزارتۋ, جەكە نەمەسە مەملەكەتتىك تۇرعىن ءۇي قورىنان جالعا بەرىلەتىن ۇيلەردە تۇراتىن ازاماتتاردىڭ مۇلكىنە كەلگەن زالالدى وتەۋ ءتارتىبىن ايقىنداۋ ۇسىنىلدى.
تاسقىن باستالعاننان بەرى پاترۋلدىك پوليتسەيلەر تاۋلىك بويى سۋ باسقان اۆتوجول ۋچاسكەلەرىن باقىلاپ وتىر. ەسىلدىڭ بۇرىن-سوڭدى بولماعان تاسقىنىندا پوليتسيانىڭ بۇل بولىمشەسى دە كۇندىز-ءتۇنى جۇمىستا بولدى.
«پوليتسيا قىزمەتكەرلەرى ەكى اۋىسىمدا جۇمىس ىستەپ, سۋ تاسقىنى بايقالاتىن اۆتوجول ۋچاسكەلەرىندە كەزەكشىلىك ەتتى. ءبىزدىڭ مىندەتىمىز – جول قاۋىپسىزدىگىن قامتاماسىز ەتۋ, جازاتايىم وقيعالاردىڭ الدىن الۋ, قۇتقارۋشىلارعا جاردەمدەسۋ جانە جولاۋشىلارعا جان-جاقتى كومەك كورسەتۋ», دەيدى پد پپب كومانديرى, پوليتسيا مايورى ءۋاليحان ورازالين.
«قازاۆتوجول» كاسىپورنى پد-مەن بىرلەسە وتىرىپ, تاسقىن باستالعاننان بەرى جابىق بولعان رەسپۋبليكالىق ماڭىزى بار «جەزقازعان – پەتروپاۆل» جولىنىڭ 952-954 شاقىرىمىنداعى ۋچاسكەسىن اشتى. سونداي-اق پەتروپاۆلدى اينالىپ كەتەتىن اينالما جولدىڭ جابىلىپ قالعان 11-14 شاقىرىمدىق ارالىعىن دا اشتىق دەپ جاريالادى. قازىر بۇل جولدارمەن اۋىر جۇك ماشينالارى عانا ەمەس جەڭىل كولىكتەر دە جۇرە باستادى.
پەتروپاۆل تۇرعىندارى قالا ىرگەسىندەگى بەسكول اۋلىنا دا جەتە الماي قالعان ەدى. قازىر 13 شاقىرىمدىق بۇل جول دا اشىلدى. قىزىلجاردان بەسكولگە باراتىن 101 اۆتوبۋس مارشرۋتى دا جۇرە باستادى. وسى كۇندەرى قىزىلجارعا 320 توننادان اسا قايىرىمدىلىق كومەك جۇكتەرى جەتكىزىلدى. سوڭعى 70 تونناداي جۇك پاۆلودار مەن كوكشەتاۋ قالالارىنان جەتتى. ولاردىڭ ءبارىن ۆولونتەرلەر قاعاز قوراپتارعا ءبولىپ, كۇندىز-ءتۇنى تاراتۋعا دايىنداپ جاتىر.
«سۋدا قالعان جەرلەستەرىمىزدىڭ تاعدىرى مەنى بەيجاي قالدىرا المادى. سوندىقتان قولىمنان كەلگەن كومەكتى جاساۋعا تىرىسىپ, وسىندا كەلدىم. مۇنداعى جۇمىستاردىڭ ۇشى-قيىرى جوق. مەن ءوزىمنىڭ باسقا دا جولداستارىمدى, تانىستارىمدى شاقىرىپ جاتىرمىن», دەيدى ەرىكتىلەردىڭ ءبىرى دياس ەسجانوۆ.
ول ەڭبەك ەتىپ جاتقان «رادۋگا» جشس الاڭىنا تۇسىرىلگەن جۇك شىنىندا كوپ ەكەن. وسىندا «اmanat» پارتياسى وبلىستىق فيليالى اتقارۋشى حاتشىسىنىڭ ورىنباسارى بولات دانياروۆ تا ءجۇر.
«تۇسىرىلگەن جۇكتەر ءب ۇلىنىپ قالماسىن دەگەن دە ۋايىم بار. ۇن, قانت سياقتى قاپتاعى ازىق-ت ۇلىك جاۋىننىڭ استىندا قالسا, ءبارى ءب ۇلىنىپ قالادى عوي. سونى ەسكەرىپ ءبارىن تسەللوفانمەن جاپقىزىپ, سۋ كىرمەستەي ەتىپ جاتىرمىز. مەنىڭ بىلۋىمشە, ءوزىمىزدىڭ تۇرعىنداردىكىمەن قوسقاندا بۇگىنگە دەيىن 329 توننانىڭ جۇگى قابىلداندى», دەدى ب.دانياروۆ.
ورتالىق «قىزىلجار» مەشىتىنىڭ اۋماعىندا كوكشەتاۋلىق باۋىرلار ءيىسىن بۇرقىراتىپ, پالاۋ ءپىسىرىپ جاتىر.
ء«بىز قازىر 300 ادامدى ءدامدى ىستىق اسپەن تاماقتاندىرماقپىز. وسىعان دەيىن اۋىزسۋ جونەلتكەنبىز. ءبىزدىڭ تاماقتارىمىز بولشايا مالىشكا اۋلى تۇرعىندارىنا جەتكىزىلەدى», دەيدى كوكشەتاۋلىقتاردىڭ وكىلى ويرات بولاتوۆ.
ادال جاننىڭ ءبارى وسىلاي, جەرلەستەرىمىزگە جاناشىرلىق ءبىلدىرىپ, جۇمىس ىستەپ جاتقاندا ارادا ارامزالار دا جۇرگەنىن جاسىرا المادىق. 47 جاستاعى ءبىر ايەل ۆولونتەرلەردىڭ جۇكتەردى «گازەلگە» ارتىپ جاتقانىن كورىپ, دەرەۋ بەينەكامەراعا ءتۇسىرىپ الىپتى. ونىڭ ويىنشا, ۆولونتەرلەر كەلگەن جۇكتەردى ءوزارا تالاپ جاتقان كورىنەدى. ادال قىراعىلىق بولسا, مۇندايدى پوليتسياعا كورسەتۋى كەرەك قوي. جوق, ايەلدىڭ ىزدەگەنى ارزان سەنساتسيا, دالىرەك ايتقاندا ارامدىق ەكەن. ءوزىنىڭ تۇسىرگەن جازبالارىن ول WhatsApp-تاعى توبىنا, ودان ءارى TikTok-كە سالىپ ۇلگەرىپتى. ءسويتىپ, جاستاردىڭ جالىنداپ كومەك جاساپ جاتقان ىستەرى ۇرلىق بولىپ كورسەتىلىپتى. شىن مانىندە, بۇل «گازەلگە» فۋرالارمەن كەلگەن جۇكتەردىڭ ءبىر بولىگىن ارتىپ, «بولشايا مالىشكا» تۇرعىندارىنا جىبەرۋگە دايىندالىپ جاتىر ەكەن. وزدەرىن TikTok-تا سۋىققولدى بىرەۋلەر دەپ كورسەتكەنگە نامىستانعان جاستار دەرەۋ پوليتسياعا حابارلاپ, جالاقور ايەل ۇستالىپ, ايىپقا تارتىلدى. كوپتىڭ اراسىندا وسىندايلار دا بولادى, ارينە.
سولتۇستىك قازاقستان وبلىسى
