«Altyn Bank» توتەنشە جاعداي ناتيجەسىندە قارجىلىق جاعدايدىڭ راستاي وتىرىپ, زاڭدى جانە جەكە تۇلعالاردىڭ قارىزى بويىنشا تولەمدەردى كەيىنگە قالدىرۋعا بايلانىستى قارىز الۋشىلاردىڭ ءوتىنىشىن قارايدى. ءوتىنىشتى «Altyn-i» ءموبيلدى قوسىمشاسىنا نەمەسە ەلەكتروندىق پوشتاعا (info@altyn-i.kz) جىبەرۋگە بولادى. قارىزداردى قاراۋ جانە كەيىنگە قالدىرۋ ءۇشىن كوميسسيا الىنبايدى.
«Freedom Bank» تە اكىمدىكتەن الىنعان تىزىمگە سۇيەنە وتىرىپ, تاسقىننان زارداپ شەككەن جەكە تۇلعالار مەن جەكە كاسىپكەرلەردىڭ نەسيەسى بويىنشا تولەمدى كەيىنگە قالدىرۋ ءراسىمىن ۇسىنادى. شەگەرىم 3 اي مەرزىمگە – 2024 جىلدىڭ 1 ساۋىرىنەن 30 ماۋسىمىنا دەيىن كۇشىندە. سۋ باسقان ءوڭىر تۇرعىندارىنىڭ بۇل بانكتەگى كرەديتى ءۇشىن ايىپپۇل مەن ءوسىمپۇل ەسەپتەلمەيدى. ال ءوتىنىم بەرۋدىڭ ءتارتىبى قاراپايىم.
قول قويىلعان ءوتىنىشتى salem@bankffin.kz پوچتاسىنا نەمەسە + 7 776 159 55 95 whatsاpp نومىرىنە جولداۋ قاجەت. بانك ءوتىنىشتى 15 كۇنتىزبەلىك كۇن ىشىندە قارايدى.
«بانك تسەنتركرەديت» تە قاراجات بولۋمەن جانە كرەديت بويىنشا تولەم مەرزىمىن كەيىنگە جىلجىتۋمەن قاتار سۋ تاسقىنىنان زارداپ شەككەندەرگە فيليالدىق جەلى ارقىلى كومەك كورسەتىپ جاتىر.
«زارداپ شەككەن وڭىرلەردەگى وكىلدەرىمىز وڭىرلىك بيلىكپەن بايلانىسىپ, كەرەك-جاراقتىڭ ءبارىن الىپ جاتىر. سونداي-اق قىزمەتكەرلەرىمىز بىرنەشە قالادا بوگەتتەردى نىعايتۋعا ەرىكتى رەتىندە قاتىسىپ ءجۇر. الماتىداعى بانك قىزمەتكەرلەرى وڭىرلەرگە جونەلتۋ ماقساتىندا مەديتسينالىق پرەپارات, بالالاردىڭ كەرەك-جاراعى, شارۋاشىلىق تاۋارلارى مەن گيگيەنالىق قۇرالدار تۇرىندە گۋمانيتارلىق كومەك جيناپ جاتىر», دەلىنگەن مالىمدەمەدە.
نەسيە تولەمىن شەگەرۋ مۇمكىندىگىن ۇسىنعان ەكىنشى دەڭگەيلى بانكتەر اراسىندا «Nurbank» تە بار. بۇل قارجى ينستيتۋتى دا 2024 جىلدىڭ 1 ءساۋىرى مەن 30 ماۋسىمى ارالىعىندا نەسيە تولەمىن كەيىنگە قالدىرۋ باستاماسىن جۇزەگە اسىرادى. سونىمەن قاتار ايىپپۇل مەن ءوسىمپۇل ەسەپتەلمەيدى.
«تاسقىن سالدارىنان شارۋاشىلىعىنا زيان كەلگەن بارلىق جەكە كاسىپكەرلەردى, شاعىن جانە ورتا بيزنەس سۋبەكتىلەرىنىڭ بەرگەن ءوتىنىشى نەگىزىندە نەسيە بويىنشا تولەمدەردى كەيىنگە قالدىرۋ مۇمكىندىگى ۇسىنىلادى. ءوتىنىش بەرۋ ءۇشىن بانك بولىمشەسىنە كەلۋ كەرەك نەمەسە ونلاين ءوتىنىم قالدىرۋ قاجەت», دەلىنگەن حابارلامادا.
بانك سايتىندا «جەكە تۇلعا ءۇشىن ءوتىنىم» جانە «زاڭدى تۇلعا/جەكە كاسىپكەر ءۇشىن ءوتىنىم» دەگەن ەكى ۇلگى كورسەتىلگەن. نەسيە تولەمىن كەيىنگە قالدىرۋ ءۇشىن سونى تولتىرىپ, ءوتىنىش جولداۋ جەتكىلىكتى.
«Bank RBK» كليەنتتەرى نەسيەنى تولەۋدى كەيىنگە شەگەرۋ ءۇشىن info@bankrbk.kz ەلەكتروندىق پوشتاسىنا ەركىن نىساندا ءوتىنىشتى جىبەرۋ نەمەسە بولىمشەگە جەكە بارۋ ارقىلى جۇگىنۋ قاجەت. كەيىنگە قالدىرۋدىڭ ماكسيمالدى كەزەڭى وسى جىلدىڭ 1 ساۋىرىنەن 30 ماۋسىمىنا دەيىن.
«جەرگىلىكتى اتقارۋشى ورگاندار ۇسىنعان تىزىمدەردە كورسەتىلگەن كليەنتتەرگە كەيىنگە قالدىرۋ كليەنتتىڭ ءوتىنىشىنسىز اۆتوماتتى تۇردە بەرىلەدى. قارىز شارتتارىن وزگەرتۋ ماسەلەلەرى بويىنشا شەشىمدى بانكتىڭ ءتيىستى ۋاكىلەتتى ورگانى قابىلدايدى. كليەنتتىڭ كەيىنگە قالدىرۋ تۋرالى ءوتىنىشىن قاراۋ ءۇشىن كوميسسيا الىنبايدى. كەيىنگە قالدىرۋ كەزەڭىندە ءوسىمپۇل مەن ايىپپۇل ەسەپتەلمەيدى. كليەنتتىڭ ءوتىنىشى بويىنشا بانكتىڭ ۋاكىلەتتى ورگانىنىڭ وڭ شەشىمى بولعان كەزدە بانك قىزمەتكەرى قاجەت بولعان جاعدايدا كليەنتتى قارىز شارتىنا/كەپىل شارتىنا ءتيىستى قوسىمشا كەلىسىمگە قول قويۋ ءۇشىن بانك فيليالىنا شاقىرادى», دەلىنگەن مالىمدەمەدە.
ۆتب بانك (قازاقستان) ۇسىناتىن شارتتار دا تاپ وسىنداي. ءۇش اي مەرزىمگە كەيىنگى قالدىرۋدى ۇسىنادى, ايىپپۇل مەن ءوسىمپۇل قوسپايدى. ەگەر كليەنت كەيىنگە قالدىرۋ مەرزىمىن ءۇش ايدان دا ۇزارتقىسى كەلسە, بانك ول ماسەلەنى جەكە تارتىپپەن قارايدى. كەيىنگە قالدىرۋ مۇمكىندىگىن الۋعا ەركىن ۇلگىمەن بانككە ءوتىنىش جازۋ كەرەك. ءوتىنىشتى بولىمشەگە اپارىپ بەرۋگە نەمەسە info@vtb-bank.kz پوشتاسىنا جولداۋعا بولادى. بيزنەس وكىلدەرى ءوتىنىشتى «VTB Business» ينتەرنەت-بانكى ارقىلى نەمەسە سايت ارقىلى بەرە الادى. ۇسىنىلاتىن قۇجاتتار: فورس-ماجور تۋرالى قۇجات, بيزنەستى جۇرگىزەتىن ورىننان فوتوەسەپ جانە باسقا دا قۇجاتتار.
«ForteBank» سۋ تاسقىنى سالدارىنان قارجىلىق جاعدايى ناشارلاعان قارىز الۋشى جەكە تۇلعالاردىڭ تولەمدەردى كەشىكتىرگەنى ءۇشىن قالىپتاسقان ايىپپۇلدارى مەن وسىماقىلارىنىڭ كۇشى جويىلادى دەپ حابارلادى.
«سۋ تاسقىنىنان زارداپ شەككەن شوب قارىز الۋشىلاردىڭ قولدانىستاعى قارىزى بويىنشا قارىزدى 3 كۇنتىزبەلىك ايدان اسپايتىن مەرزىمگە ۇزارتۋ مۇمكىندىگىمەن, كوميسسياسىز جانە قۇجاتتار توپتاماسىن ۇسىنباي, كەيىنگە قالدىرۋ مەرزىمى بەرىلسىن. جەرگىلىكتى اتقارۋشى ورگانداردىڭ تىزىمىنە سايكەس زارداپ شەككەن قارىز الۋشىلار بانك بولىمشەسىنە كەلمەي-اق, تولەمدەردى كەيىنگە شەگەرۋگە جانە كرەديتتەرىن قايتا قۇرىلىمداۋعا بانكتىڭ forte.kz رەسمي سايتى ارقىلى ءوتىنىش بەرە الادى», دەپ مالىمدەيدى.
مۇنداي مۇمكىندىكتى ەلدەگى بەدەلدى ميكروقارجى ۇيىمدارى (مقۇ) «KMF» پەن «Solva» دا ۇسىنادى.
«بايتەرەك» حولدينگىنە قاراستى «اگرارلىق نەسيە كورپوراتسياسى» مەن «قازاگروقارجى» كومپانيالارى دا تاسقىننان زارداپ شەككەن قارىز الۋشىلار تولەمىن كەيىنگە شەگەرەدى.
«2024 جىلعى كەستەنىڭ بارلىق تولەمى 2025 جىلدان باستاپ بىركەلكى تولەمدەرمەن قارجىلاندىرۋ مەرزىمىنىڭ سوڭىنا دەيىنگى تولەمدەرگە تەڭدەي بولىنەدى. 2024-2025 جىلدارى قارىزى اياقتالاتىن جوبالار بويىنشا قىزمەت باعىتىنا بايلانىستى تولەمى 24 ايعا دەيىنگى مەرزىمگە ۇزارتىلادى. بۇل كوكتەمگى ەگىن ەگۋ جانە كۇزگى جيىن-تەرىن جۇمىستارىنان بولەك بارلىق باعىتقا قولدانىلادى. ال وسى باعىتتاعى قارىز الۋشىلار بويىنشا قايتا قۇرىلىمداۋعا/ۇزارتۋعا وتىنىمدەردى قاراۋ ەگىن جيناۋ ناۋقانى اياقتالعاننان كەيىن جۇرگىزىلەدى. سۋ تاسقىنى سالدارىنان زارداپ شەگىپ, نەسيە تولەمىن كەشىكتىرگەن ازاماتتارعا ايىپپۇل سالىنبايدى, ءوسىمپۇل ەسەپتەلمەيدى», دەپ مالىمدەدى.
«اگرارلىق نەسيە كورپوراتسياسى» مەن «قازاگروقارجى» جۇمىستى جىلدامداتۋعا از عانا قۇجاتتىڭ نەگىزىندە ءوتىنىم قاراۋدىڭ جەڭىلدەتىلگەن ۇدەرىسىن بەكىتكەن.
ءوتىنىش بەرۋشى «اگرارلىق نەسيە كورپوراتسياسى» مەن «قازاگروقارجى» تىزىمىندە بولماعان جاعدايدا فورس-ماجورلىق جاعدايدىڭ تۋىنداعانىن راستايتىن اۋداندىق دەڭگەيدەن تومەن ەمەس جەرگىلىكتى اتقارۋشى ورگانداردان قۇجات اكەلۋگە ءتيىس. الايدا كورسەتىلگەن شارت پەن ءتارتىپ 2024 جىلدىڭ 1 ساۋىرىندەگى جاعداي بويىنشا «اگرارلىق نەسيە كورپوراتسياسى» مەن «قازاگروقارجى» الدىندا مەرزىمى وتكەن بەرەشەگى 90 كۇننەن اسقان قارىز الۋشىلارعا قاتىستى ەمەس. دەگەنمەن مۇنداي قارىز الۋشىلاردى قولداۋ ماقساتىندا تۇراقسىزدىق ايىبىن ەسەپتەۋ 2024 جىلدىڭ 1 ساۋىرىنەن 30 ماۋسىمىنا دەيىن توقتاتىلادى.
