فوتو: zhasalash.kz
ءدىن باسقارماسى «نەكە (ەرلى-زايىپتىلىق) جانە وتباسى تۋرالى» 2011 جىلعى 26 جەلتوقسانداعى قر كودەكسىنىڭ 2-بابىنىڭ 3-تارماعىندا تەك مەملەكەتتىك ورگاندار قيعان نەكە (ەرلى-زايىپتىلىق) عانا مويىندالاتىنىن تۇسىندىرە كەلە, ق.بيشىمباەۆ پەن س.نۇكەنوۆادان احات ءبولىمىنىڭ قۇجاتى تاباندى تۇردە تالاپ ەتىلمەگەنىن جەتكىزدى.
«2022 جىلدىڭ 17 قازانىندا استانا قالاسىنداعى رەسپۋبليكالىق باس مەشىتتە ق.بيشىمباەۆ پەن س.نۇكەنوۆانىڭ ءوز وتىنىشتەرى بويىنشا كۋاگەرلەردىڭ قاتىسۋىمەن بولاشاق ەرلى-زايىپتىلاردىڭ نەكەسى قيىلعان. اتالعان ازاماتتاردان جانە ولاردىڭ تۋىستارىنان احات بولىمىنە تىركەلگەنىن راستايتىن كۋالىك تالاپ ەتىلگەندە «جاسالىپ جاتىر» دەپ جاۋاپ بەرگەن. سونىمەن قاتار داستۇرگە ساي اتا-انالارىنىڭ باتاسى مەن رۇقساتىن العانىن, سالت-ءداستۇر جولىمەن نەكەلەرىن قيىپ بەرۋىن وتىنگەن», دەلىنگەن قمدب حابارلاماسىندا.
سوندىقتان, ايتىلعان مەرزىمدە ەكى ازاماتتىڭ نەكەسىن قيعان رەسپۋبليكالىق باس مەشىتتىڭ يمامى ق.قىدىرمينگە قمدب-نىڭ ىشكى جۇمىس ءتارتىبىن بۇزعانى ءۇشىن تارتىپتىك شارا قولدانىلىپ, ەسكەرتۋ جاسالعان.
ايتا كەتەيىك, قمدب-نىڭ ىشكى جۇمىس ءتارتىبىنىڭ ءتيىستى تالابىنا سايكەس مەشىت قىزمەتكەرلەرى نەكە قيۋ ءراسىمى الدىندا بولاشاق ەرلى-زايىپتىلاردان ازاماتتىق حال اكتىلەرىن تىركەۋ (احات) بولىمىنە تىركەلگەنىن راستايتىن كۋالىكتى تالاپ ەتۋ كەرەك.
