فوتو: polisia.kz
قازىرگى ۋاقىتقا دەيىن اتالمىش قور 30 ميلليون تەڭگە جيناپ ۇلگەرگەن. الايدا ناقتى سوما ءالى بەلگىسىز.
جابىرلەنۋشىلەردىڭ ايتۋىنشا, قور ديرەكتورى اۋىر دەرتكە شالدىققان بالانىڭ ەمىنە اقشا جيناپ, قارجىنى زاڭسىز يەمدەنگەن.
2023 جىلى دەنساۋلىعىندا كىناراتى بار بالانى سىلتاۋراتىپ, اتا-اناسىنا قارجى جيناۋعا كومەكتەسەمىن دەپ كەلىسىم جاساسقانى دا انىقتالدى. الايدا ولاردى بەلارۋسياعا اقشاسىز اتتاندىرىپ, قارجىنى انە-مىنە اۋدارامىن دەگەن جەلەۋمەن سان سوقتىرعان. تيىسىنشە بالا دا ەمدەلە المادى. زارداپ شەككەندەر شەتەلدە كومەكسىز قالعانىن ايتىپ شاعىمدانعان.
«الاياقتىق فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. تەرگەۋ جۇمىستارى اياسىندا حالىقارالىق تاپسىرمالار جولداندى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى», دەلىنگەن وبلىستىق پوليتسيا دەپارتامەنتى تاراتقان حابارلامادا.
