پوليتسياعا اقتوبە قالاسىنىڭ بىرنەشە تۇرعىنى «More life» قورىنىڭ وكىلدەرىنە قاتىستى ارىزداندى. جابىرلەنۋشىلەردىڭ ايتۋىنشا, قور ديرەكتورى ەمدەلۋگە قاراجات جيناۋعا كومەك كورسەتەمىن دەگەن سىلتاۋمەن اقشانى زاڭسىز يەمدەنگەن. قىلمىستىق ءىس بويىنشا التى جابىرلەنۋشى ءوتىپ جاتىر, ازاماتتاردان جينالعان قارجى 30 ملن تەڭگەدەن استى.
ءبىر جاعدايدا, 2023 جىلى قور مەن ەمدەلۋگە مۇقتاج بالانىڭ اتا-اناسى اراسىندا كەلىسىم جاسالعان.
قاجەتتى سومانى جيناعاننان كەيىن قور اتا-انانى بالاسىمەن بىرگە ەمدەۋگە بەلارۋس رەسپۋبليكاسىنىڭ مينسك قالاسىنا اقشاسىز جىبەرگەن. قور ءارتۇرلى سىلتاۋلارمەن اقشا اۋدارىمىن جىبەرمەگەن. سالدارىنان بالا ءتيىستى ەم قابىلداماعان, ال اتا-اناسى بوتەن ەلدە كومەكسىز قالعان.
الاياقتىق فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. تەرگەۋ جۇمىستارى اياسىندا تەرگەۋ ارەكەتتەرىن جۇرگىزۋ ءۇشىن حالىقارالىق تاپسىرمالار جولداندى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى.
پوليتسيا دەپارتامەنتى اتالعان قوردىڭ ارەكەتىنەن زارداپ شەككەندەردىڭ بارلىعىن دەرەۋ پوليتسياعا حابارلاسۋدى سۇرايدى.
