ونىڭ ايتۋىنشا, قازىر سۋ باسقان وڭىرلەردەن 112,5 مىڭ باس مال قاۋىپسىز جەرگە ايدالعان. اپاتتان 7 035 باس مال ولگەن. ونىڭ باسىم بولىگى – ۇساق مال.
- ولگەن مال باسى بويىنشا دەرەكتەر ۇنەمى جاڭارتىلىپ وتىرادى. رەسپۋبليكالىق ەپيزووتياعا قارسى وترياد وبلىس اكىمدىكتەرىمەن بىرلەسىپ, ولكەن جانۋارلاردى جيناۋ جانە جويۋ جۇمىسىن جۇرگىزىپ جاتىر. بۇعان دەيىن توپىراقتا ءسىبىر جاراسى سپوراسىنىڭ بولۋىنا جۇرگىزىلگەن تالداۋ ناتيجەسى تەرىس ناتيجە كورسەتتى. بۇگىندە سۋ باسقان ايماقتارداعى ەپيزووتيالىق جاعداي تۇراقتى جانە ول اۋىل شاراۋشىلىعى ءمينيسترىنىڭ باقىلاۋىندا, - دەدى ولجاس تىلەبالدين وكق-دا وتكەن بريفينگتە.
سونداي-اق ول بۇگىندە مالدىڭ قۇنىن وتەۋ الگوريتمى بەكىتىلگەنىن ەسكە سالدى.
- وعان سايكەس سۋ تاسقىنى سالدارىنان ولگەن اۋىل شارۋاشىلىعى جانۋارلارىنىڭ بارلىق يەسى وتەماقى الۋعا قۇقىلى. مەنشىك يەسىن انىقتاۋ جانۋارلاردىڭ بىرىزدەندىرۋ ءنومىرىن, اۋىل شارۋاشىلىعى جانۋارلارىنىڭ بىرىزدەندىرۋ دەرەكقورىمەن سالىستىرۋ ارقىلى, ال مال تىركەلمەگەن جاعدايدا كۋاگەرلەردى تارتا وتىرىپ, زالالدى وتەۋ جونىندەگى كوميسسيانىڭ اكتىسىمەن انىقتالادى. اۋىل شارۋاشىلىعى جانۋارلارىنىڭ يەلەرىنە وتەماقى تولەۋ بيۋدجەت قارجاتىنان دا, بيۋدجەتتەن تىس كوزدەن دە جۇرگىزىلەدى, - دەدى رەسمي وكىل.
ولگەن مال باسى بويىنشا وتەماقىنى الۋ ءۇشىن نە ىستەۋ كەرەك؟
مالدىڭ يەسى جەرگىلىكتى جەرلەردەگى زالالدى وتەۋ جونىندەگى كوميسسياعا ءوتىنىش بەرۋگە ءتيىس;
بارلىق ءوتىنىمدى جەرگىلىكتى اكىمدىكتەر قۇرعان تەك رەسمي كوميسسيالارعا بەرۋ كەرەك.
وسىدان كەيىن وتەماقى تولەنەدى.
دەرەكتەردى جيناۋمەن اينالىساتىن ءارتۇرلى شتابقا ۇسىنىلعان اقپارات تولەم ءۇشىن نەگىز بولىپ سانالمايدى. سۋ تاسقىنى كەزىندە اۋىل شارۋاشىلىعى سالاسى بويىنشا قوسىمشا سۇراق تۋىنداعان جاعدايدا
اۋىل شارۋاشىلىعى مينيسترلىگى جانىنداعى جەدەل جەلىگە: 8 717 2 57 33 58, 8 747 094 33 81 حابارلاسۋعا بولادى. ول تاڭعى ساعات 9:00-دەن كەشكى 18:30-عا دەيىن جۇمىس ىستەيدى, - دەدى ولجاس تىلەبالدين.
