ءبولىمنىڭ دەرلىك بارلىق جەكە قۇرامى ساپتىق الاڭدا جينالىپ, 12 اي ابىرويمەن قىزمەت ەتكەن جىگىتتەرگە «العىسىن» ايتتى.
«بريگادا تۇزەل! تىك تۇر! ورتاعا, ساپ تۇزە», دەدى مەرەكەلىك ءىس-شارانى باستاعان شتاب باستىعى-ءبولىم كومانديرىنىڭ ورىنباسارى, پودپولكوۆنيك ايدوس يساەۆ.
شتاب باستىعىنىڭ كومانداسىنان كەيىن تۋ ۇستاۋشىلار توبى مەن قۇرمەتتى قاراۋىل ۆزۆودى ساپتىق الاڭعا ءبولىمنىڭ جاۋىنگەرلىك تۋىن الىپ شىقتى. ەندى «قىزمەتىن اياقتاعان جىگىتتەر» ءۇشىن بۇل ءسات ەرەكشە جاعىمدى بولدى. سالتاناتتى بولىمنەن كەيىن جاۋىنگەرلەردىڭ ايتۋىنشا, ولار ءبىر جىلدا ناعىز باۋىرداي بولىپ قالعان ادامدارمەن قوشتاسۋدىڭ اۋىرتپالىعىن, وسى كەزدە عانا سەزىنىپتى.
بريگادا كومانديرى پولكوۆنيك امىرقوجا ايتقوجين قىزمەت بارىسىندا ساربازداردىڭ جەتىستىكتەرى مەن اسكەري ءتارتىبىن اتاپ ءوتتى, وتكەن ءبىر جىل ىشىندە بارلىق ساربازدار وزدەرىنە جۇكتەلگەن مىندەتتەرىن ابىرويمەن اتقارعانىنا العىس ايتتى.
«سوڭعى ون ەكى اي ىشىندە سىزدەر ەلگە بار كۇشتەرىڭىزدى, بىلىمدەرىڭىزدى بەردىڭىزدەر. مەن ۇلگىلى ءتارتىپ پەن شىدامدىلىق كورسەتكەن بارلىق ساربازعا ريزامىن. سىزدەردى تاربيەلەگەن اتا-انالارىڭىزعا بولەك العىس ايتقىم كەلەدى. بارلىعىڭىزعا زور دەنساۋلىق پەن اماندىق تىلەيمىن», دەپ اتاپ ءوتتى بريگادا كومانديرى پولكوۆنيك امىرقوجا ايتقوجين.
ءبىر جاعىنان قۋانىش, ءبىر جاعىنان كۇرسىنىس سەزىمدەرىن ارالاس كوتەرگەن ساربازدار, ءبولىمنىڭ ساپتىق الاڭىنانان سوڭعى رەت شەرۋمەن ءوتىپ, قۇجاتتارىن, گراموتالارى مەن سيپاتتامالارىن الۋ ءۇشىن كومانديرلەرىنە جاقىندادى.
«وسى جولدان وتكەننەن كەيىن مەن وتباسىنىڭ عانا ەمەس, ۋاقىتتىڭ, شىنايى دوستىقتىڭ قادىرىن ءتۇسىندىم. مەن ءدال وسى اسكەري بولىمدە قىزمەت ەتكەنىمدى ماقتان تۇتامىن», دەپ ءبولىستى قاتارداعى جاۋىنگەر باعجان ءدىلداحان.
وفيتسەردىڭ قول الىسۋى, العىس حاتتار مەن ەستەلىك سىيلىقتار. مەرزىمدى قىزمەت ءوتتى, تەك اسكەري عانا ەمەس, سونىمەن قاتار كاسىبي مامان رەتىندە دە ۇلكەن تاجىريبە قالدى.
مەرزىمدى قىزمەتتە ءبىر جىل ىشىندە ساربازدار كوپتەگەن وقۋ-جاتتىعۋ اتىستارىن جانە دابىل بويىنشا كوتەرۋلەرىن ورىندادى. كۇن سايىن جىگىتتەر رۋحتى عانا ەمەس, دەنەنى دە شىڭدادى. ولار ۇبت-سىز جوعارعى وقۋ ورىندارىنا تۇسۋگە مۇمكىندىك الدى, ال قىزمەتتە ۇزدىك ناتيجە كورسەتكەندەرگە جوعارى ءبىلىم الۋ تەگىن عانا ەمەس, گرانت بويىنشا وقۋعا مۇمكىندىك بەرىلەدى.
