ساعىندىق لۇقپانوۆ اتىراۋ وبلىسىندا جەرگىلىكتى اتقارۋشى ورگاندارمەن تاسقىن سۋعا دايىندىق بارىسىن تالقىلادى جانە «سوكولوك» ارناسىمەن قاتار جاڭادان ەكىنشى سۋ وتكىزۋ ارناسىن سالۋدىڭ ماڭىزدىلىعىن اتاپ ءوتتى. جاڭا 24 شاقىرىمدىق جەلى سۋدى قالادان الىستاتۋعا مۇمكىندىك بەرەدى.
ال سەنات دەپۋتاتى ءلاززات رىسبەكوۆا باتىس قازاقستان وبلىسىندا ورال قالاسىنىڭ جاعالاۋ اۋداندارىندا قورعانىس بوگەتتەرىن سالۋ بارىسىن تەكسەردى. بۇل اۋماقتا بوگەت سالۋ جۇمىستارى بەلسەندى جۇرگىزىلىپ جاتىر. سەناتور تاسقىن سۋدان زارداپ شەككەن ازاماتتارمەن كەزدەسىپ, ولارعا ەۆاكۋاتسيالىق پۋنكتتەردىڭ جۇمىسى مەن بىرجولعى ماتەريالدىق كومەك الۋ تەتىكتەرىن ايتىپ بەردى. سونداي-اق تۇرعىن ۇيلەردى قالپىنا كەلتىرۋ ءۇشىن قانداي قۇجاتتار تالاپ ەتىلەتىنىن ءتۇسىندىردى.
