ۇب حابارلاۋىنشا, ينفلياتسيا بويىنشا 5%-دىق ماقساتقا جەتۋ ءۇشىن ۇستامدى قاتاڭ اقشا-كرەديت شارتتارىن ساقتاۋ قاجەت.
«قازىرگى جاعدايدا اقشا-كرەديت ساياساتىن جەڭىلدەتۋگە ارنالعان كەڭىستىك ءالى دە شەكتەۋلى. ونىڭ قالىپتاسۋى ينفلياتسيانىڭ ورنىقتى بولىگىنىڭ تۇراقتى تۇردە باياۋلاۋىنا بايلانىستى. جىلدىق ينفلياتسيا 2024 جىلدىڭ ناۋرىز ايىندا 9,1%-عا دەيىن باياۋلاپ, بولجامدى تراەكتوريادان ءبىرشاما جوعارى قالىپتاستى», دەپ مالىمدەيدى باس بانك.
مالىمدەمەدە ۇلتتىق بانكتىڭ رەتتەلەتىن باعالار رەفورماسى سەكىلدى بىرجولعى فاكتورلاردى ەسكەرمەيتىن ينفلياتسيانىڭ ورنىقتى بولىگىن باقىلاي تۇسەتىنى ايتىلعان: ينفلياتسيانىڭ ورنىقتى بولىگىنىڭ تۇراقتى تۇردە باياۋلاۋى بازالىق مولشەرلەمەنىڭ تومەندەۋىنە كەڭىستىك قالىپتاستىرادى.
ۇلتتىق بانكتىڭ اقشا-كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2024 جىلعى 31 مامىردا استانا قالاسىنىڭ ۋاقىتىمەن ساعات 12:00-دە جاريالانادى.
