«ەكونوميكاداعى ينفلياتسيالىق قىسىم كۇشتى ىشكى سۇرانىس پەن تۇراقتى ينفلياتسيالىق كۇتۋلەردىڭ اسەرىنەن جالعاسىپ جاتىر. ورتا مەرزىمدى پەرسپەكتيۆادا قازاقستان رەسپۋبليكاسىنىڭ ۇلتتىق بانكى ينفلياتسيالىق ماقساتقا قول جەتكىزۋ ءۇشىن قالىپتى قاتاڭ مونەتارلىق شارتتاردى ساقتاي وتىرىپ, بازالىق مولشەرلەمەنى بىرتىندەپ تومەندەتەدى دەپ كۇتەمىز», دەپ اتاپ ءوتتى ەادب اپتالىق شولۋىندا ساراپشىلار.
جەلتوقسان ايىنداعى بولجام 2024 جىلدىڭ سوڭىندا بازالىق مولشەرلەمە 10% دەڭگەيىندە بولۋى مۇمكىن دەپ بولجادى. ىشكى تۇتىنۋشىلىق سۇرانىستىڭ ينفلياتسيالىق قىسىمى السىرەگەننەن كەيىن ونىڭ 2025 جىلدىڭ سوڭىنا قاراي 7–8%-عا دەيىن تومەندەۋى مۇمكىن. ەادب ساراپشىلارى 2023 جىلدىڭ ەكىنشى جارتىسىنان باستاپ بازالىق مولشەرلەمەنى تومەندەتۋ تسيكلىنىڭ باستالۋى ولاردىڭ كۇتكەنىمەن سايكەس كەلگەنىن ايتادى (كورسەتكىش 2023 جىلدىڭ قاراشاسىندا تومەندەي باستادى, وعان دەيىن ول 2021 جىلدىڭ قاراشاسىنان باستاپ ءوستى). سونىمەن قاتار ولاردىڭ 2023 جىلدىڭ سوڭىنا 15,75% بولجامى ناقتى مانمەن سايكەس كەلدى. اقپان ايىنىڭ سوڭىندا رەتتەۋشى بازالىق مولشەرلەمەنى 15,25%-دان 14,75%-عا دەيىن تومەندەتتى.
ءساۋىردىڭ ورتاسىندا ۇلتتىق بانك باعانى بۇرىنعى دەڭگەيدە ساقتاپ قالدى. رەتتەۋشىنىڭ باسشىسى تيمۋر سۇلەيمەنوۆ سۋ تاسقىنى ماسەلەسى شەشىلمەيىنشە ۇلتتىق بانك اقشا-نەسيە ساياساتىن جۇمسارتپايتىنىن ايتتى.
ء«بىز ءوزىمىزدىڭ اقشا-نەسيە ساياساتىمىزبەن وسى شەشىمدەردى ۇستانامىز, ياعني ولاردان وزبايمىز, لوكوموتيۆتەن وزبايمىز. بۇل جاعداي بەلگىلى بولعان كەزدە بۇل ءۇزىلىس قانشا ۋاقىتقا سوزىلاتىنى بەلگىلى بولادى. ازىرگە جاعدايدى قاداعالاۋ قاجەت دەپ ەسەپتەيمىز», دەدى ۇلتتىق بانك توراعاسى.
اقشا-نەسيە ساياساتىنىڭ كەلەسى وتىرىسى 2024 جىلدىڭ 31 مامىرىندا وتەدى.
بۇعان دەيىن ساراپشىلار (AERC) ۇلتتىق بانكتىڭ جىل باسىنان باستاپ بازالىق مولشەرلەمەنى مەرزىمىنەن بۇرىن تومەندەتۋى ناۋرىز ايىنىڭ سوڭىنا قاراي جىلدىق ينفلياتسيانىڭ وسۋىنە اكەلۋى مۇمكىن ەكەنىن ەسكەرتكەن بولاتىن. بىراق ول جىلدىق ماندە 9,3%-دان 9,1%-عا, ايلىق كورسەتكىشتە 1,1%-دان 0,7%-عا دەيىن باياۋلادى. ۇلتتىق بانك 2024 جىلعا ارنالعان ورتاشا جىلدىق ينفلياتسيانى 7,5-9,5% شەگىندە بولجايدى.
ءبىز وسىعان دەيىن 2021 جىلدىڭ قاڭتارىنان 2023 جىلدىڭ جەلتوقسانىنا دەيىنگى بازالىق مولشەرلەمەنىڭ وزگەرۋى ينفلياتسياعا از اسەر ەتتى دەگەن ەدىك. نەسيەلەر قۇنىنىڭ ءوسۋى كومپانيالار مەن ءۇي شارۋاشىلىقتارىنىڭ دەپوزيتتەرىن, سونداي-اق مەملەكەتتىك قارىزداردى دوللارسىزداندىرۋدى ىنتالاندىردى, بىراق قارىز الۋشىلاردىڭ سۇرانىسىن سالقىنداتا المادى.
قازاقستاننىڭ ەاەو-داعى نەگىزگى ساۋدا ارىپتەسى - رەسەيدە (رەسپۋبليكانىڭ وداق ەلدەرىمەن سىرتقى ساۋدا اينالىمىندا, رەسەي فەدەراتسياسىمەن ساۋداسى 90%-دان اسادى) نەگىزگى مولشەرلەمە ەكىنشى جارتىجىلدىقتان ەرتە ەمەس تومەندەتىلەدى. ەادب ساراپشىلارى 2024 ج. رەسەيدە ناۋرىزدا جىلدىق ينفلياتسيا 7,7 پايىزدى قۇرادى. بانكتىڭ شولۋى ينفلياتسيانىڭ ارتۋى كۇشتى ىسكەرلىك جانە تۇتىنۋشىلىق بەلسەندىلىكتىڭ جالعاسۋىمەن جانە ينفلياتسيالىق كۇتۋلەردىڭ باياۋ تومەندەۋىمەن بايلانىستى ەكەنىن اتاپ وتەدى.
