فوتو: primeminister.kz
سپيكەردىڭ ايتۋىنشا, سۋ تاسقىنى باستالعالى بەرى 111 مىڭنان استام ادام قۇتقارىلدى. ونىڭ 39 مىڭى - بالالار.
«ۋاقىتشا ورنالاستىرۋ پۋنكتتەرىندە 6814 ادام, ونىڭ ىشىندە 2995 بالا بار, 11 950 ادام ۇيگە ورالدى. 9 ملن 50 مىڭ تەكشە مەتردەن استام ەرىگەن سۋ سورىلىپ, 2 ملن 200 مىڭ قاپشىق, سونداي-اق 1 ملن 200 مىڭ ينەرتتى ماتەريال توسەلدى», دەدى ەراسىل سايپاش.
ول قۇتقارۋ جۇمىستارىنا 33 334 ادام مەن 4 066 تەحنيكا جۇمىلدىرىلعانىن اتاپ ءوتتى.
«قازىرگى ۋاقىتتا بەس وبلىستا 5411 تۇرعىن ءۇي, 1607 اۋلا جانە 2035 ءۇي سۋ استىندا قالىپ وتىر. 2500 تۇرعىن ءۇي مەن 2157 اۋلا اۋماعىنان سۋ سورىلدى. ەلىمىزدىڭ سەگىز وڭىرىندە جەرگىلىكتى اۋقىمداعى 36 تج ارەكەت ەتەدى. بۇل اقتوبە, قوستاناي, باتىس قازاقستان, اقمولا, قاراعاندى, اتىراۋ, سولتۇستىك قازاقستان, سونداي-اق ۇلىتاۋ وبلىستارى», دەپ قوستى قاتىسقاندار.
سونداي-اق توتەنشە جاعدايلار مينيسترلىگى ازاماتتاردى اسا ساق بولۋعا, سۋ تاسقىنى كەزەڭىندە بارلىق قاۋىپسىزدىك شارالارىن قاتاڭ ساقتاۋعا جانە ەۆاكۋاتسيالاۋ پۋنكتتەرىنەن ءتيىستى رۇقساتسىز شىقپاۋعا شاقىردى.
