قازاقستاننىڭ ەڭبەك ەرى بيىل 87 جاستان اسىپ بارادى. "جاسىم كەلدى, بەلىم بۇگىلدى" دەمەستەن, جايىقتىڭ جاعاسىنداعى تاسقىنمەن كۇرەسۋگە جاستارمەن تەڭ كۇش سالىپ, قولىنا كۇرەك ۇستاپ ءجۇر.
قارعىن سۋدىڭ قاۋپى تونە باستاعان تۇستا جاقانوۆ اقساقال دا جايىق وزەنىنىڭ جاعالاۋىنداعى وسال تۇستاردى بەكىتۋ ءۇشىن ستۋدەنتتەرىمەن تەڭ بوگەت سالۋعا بارىپتى. بارعاندا دا, ءبىرلى-جارىم سۋرەتىنە ءتۇسىپ, كەتىپ قالماي, باستان-اياق جۇرگەن.
- تىرشىلىك ءنارى – جايىعىمىز ارناسى اسپاسا ەكەن, ەل قيىندىققا تاپ بولماسىن دەپ تىلەيمىن. قازىر سۋ تاسقىنى اتىراۋ وبلىسىنا عانا ەمەس, بىرنەشە وڭىرگە قاۋىپ ءتوندىردى. سول سەبەپتەن, بوگەت سالىپ جاتقان جاستاردى قولداۋعا كەلدىم. ەلىمىزدى قيىندىقتان بىرلىگىمىزبەن عانا قورعاي الامىز, - دەيدى ءىليا اقساقال جاقانوۆ.
