مەكتەپ ديرەكتورى ەرنۇر ومارحانوۆتىڭ ايتۋىنشا, استانا قالاسىندا قانىش ساتپاەۆقا ارنالعان بىردە-ءبىر مۇراجاي جوق. سول سەبەپتەن ەڭ العاش مەكتەپكە اكادەميك قانىش ساتپاەۆتىڭ اتاۋىن الۋ ءۇشىن ءبىرشاما جۇمىس اتقارىلعان. كەيىننەن مەكتەپ قانىش ساتپاەۆ اتىنداعى مۋزەيدى اشادى. مەكتەپ باسشىسى ونى اشۋدىڭ وڭايعا سوقپاعانىن, بارلىق ماتەريالدى جيناۋ ءۇشىن مەكتەپ ۇجىمى ساتباەتىڭ تۋعان جەرىنە بارعانىن ايتادى.
مۇراجايدى اشۋ وڭاي بولعان جوق. الىنىپ وتىرعان قانىش ساتپاەۆتىڭ تاپقان تاستارى جەزقازعانداعى «قازاقمىس» كومپانياسىمەن بايلانىس ورناتىپ, سول جاقتان العىزدىق. فوتالاردىڭ بارلىعىن Foliant باسپاسىنان الدىق. مۋزەيدىڭ كىرەبەرىسىنە ءبىز ەكى تاس ورناتتىق. بىرەۋى قازاقتان شىققان تۇڭعىش انتروپولوگ ورازاق سماعۇلوۆتىڭ جازعان ءسوزى. ال ەكىنشىسى قانىش ساتپاەۆتىكى, دەيدى مەكتەپ-ليتسەي ديرەكتورى ەرنۇر ومارحانوۆ.
عالىم ارحەولوگ ءا.مارعۇلان قانىش ساتباەۆ پولياك بيلەرىنە, مازۋركاعا, ۆالسكە قىزىعۋشىلىق تانىتقانىن ايتادى.
سۋرەتتە استانا قالاسىنداعى قانىش ساتپاەۆ ەسكەرتكىشىنىڭ كوشىرمەسى.
اكادەميك الكەي مارعۇلاننىڭ قانىش ساتباەۆ تۋرالى: «ەگەر قانىش گەولوگيانىڭ سوڭىنا تۇسپەي, بىرىڭعاي ادەبيەت سالاسىمەن كەتسە, قانىش اسا تالانتتى جازۋشىنىڭ ءبىرى بولار ەدى. ونى قانەكەڭنىڭ جاس كەزىندە جازعان نوۆەللالارى, ادەبيەت, مۋزىكا, بي ونەرى تۋرالى جازعان ماقالالارى, اباي, جامبىل, مۇحتارعا ارناپ جازعاندارى ايقىن بەينەلەيدى.»
قانىش ساتباەۆ ماسكەۋدىڭ تاپسىرماسى بويىنشا جەر استى قازبا بايلىقتارىنىڭ كارتاسىن جاساۋ بارىسىندا وندا بىرنەشە ءىرى كەنىشتەردى بەلگىلەمەگەن. عالىمداردىڭ «بۇل قالاي؟» دەگەن سۇراعىنا ول: «بۇل كەندەر جەردىڭ تەرەڭىندە ورنالاسقان. ولاردى مەڭگەرۋ ءۇشىن قىرۋار قارجى مەن تەحنولوگيا قاجەت. سوندىقتان بۇل جەرلەردى كارتادا بەلگىلەۋ ءالى ەرتە».
ال جاقىن دوستارى مۇحتار اۋەزوۆپەن, الكەي مارعۇلانعا: «مەن بۇل شاحتالاردى ادەيى جاسىردىم. ويتكەنى, ءبىزدىڭ ۇرپاقتارىمىزعا دا كەرەك!», دەگەن ەكەن.
ۇلى تۇلعانىڭ تۋعانىنا 125 جىل تولۋى قارساڭىندا ونىڭ ەل دامۋىنا, عىلىمي وي-پىكىرىنە, قازاقستان حالقىنىڭ زياتكەرلىك جانە رۋحاني الەۋەتىنە قوسقان باعا جەتپەس ۇلەسىن تاعى ءبىر مارتە ەسكە الۋ ماڭىزدى.
مۋزەيدەگى مۇراعاتتا قانىش ساتپاەۆ تۋرالى قولجازبالار, كىتاپتار جانە قۇندى جادىگەرلەر ءبىر زالدا كورىنىس تاپقان.سونداي-اق, ساتباەۆتىڭ كىتاپتار توپتاماسى, فوتوسۋرەتتەرى عيمارات تورىندە ورنالاسقان.
قىرمىزى جۇماعاليقىزى, ەۇۋ ستۋدەنتى
