قازىر وڭىردە سۋ تاسقىنىنىڭ كۇتىلەتىن ەكىنشى تولقىنى – ترانسشەكارالىق وزەندەردىڭ تاسۋىنا قارسى دايىندىق قىزۋ ءجۇرىپ جاتىر. 9 ساۋىردەگى جاعداي بويىنشا 33 شاقىرىمنان استام ۋاقىتشا بوگەت تۇرعىزىلدى. بۇل باعىتتاعى جۇمىس جالعاسادى.
سوڭعى دەرەكتەرگە قاراعاندا, باتىس قازاقستان وبلىسىندا 1155 تۇرعىن ءۇي سۋ استىندا قالىپ, 732 ۇيگە تۇرعىندارى قايتا ورالعان.
«وڭىردە 408 ۇيدە ادام تۇرمايدى. ال 15 ءۇيدىڭ يەسى جوق», دەيدى وبلىستىق توتەنشە جاعدايلار دەپارتامەنتى باستىعىنىڭ مىندەتىن اتقارۋشى رۋسلان قاسىباەۆ.
وسى كەزگە دەيىن وڭىردەگى اۆتوموبيل جولدارىنىڭ 65 بولىگىندە سۋ تولىپ, جول توسەمى شايىلعان. وبلىستىڭ ەكى اۋدانىنداعى 9 ەلدى مەكەن كولىك قاتىناسىنسىز قالىپ تۇر. بىراق بۇل ەلدى مەكەندەردە ازىق-ت ۇلىك جانە تۇرمىستىق زاتتار قورى جەتكىلىكتى.
«وڭىردە ءۇش اۋە كەمەسى دايىن تۇر. ولار قاجەت بولعان جاعدايدا اۆاريالىق-قۇتقارۋ جۇمىسىن جۇرگىزۋگە, سونداي-اق گۋمانيتارلىق كومەكتى جەتكىزۋدى جۇزەگە اسىرادى», دەدى رۋسلان قاسىباەۆ.
«قازگيدرومەت» ماماندارىنىڭ بولجاۋىنشا, رەسەيدىڭ ورىنبور وبلىسى تاراپىنان كەلە جاتقان مول سۋ باتىس قازاقستان وبلىسىنا ءساۋىردىڭ 15-ىنەن باستاپ كەلمەك.
باتىس قازاقستان وبلىسى
