جيىن بارىسىندا سۋ تاسقىنى كەزىندەگى قازىرگى احۋال جانە تابيعي اپاتتىڭ الدىن الۋعا جانە جويۋعا باعىتتالعان شارالار تالقىلاندى.
قور تابيعي اپاتتان ەڭ كوپ زارداپ شەككەن وڭىرلەرگە – 15 ملرد تەڭگە كولەمىندە ماتەريالدىق كومەك كورسەتەدى, دەپ اتاپ ءوتتى نۇرلان جاقىپوۆ. قوردىڭ كورپوراتيۆتىك ورتالىعى, قمگ, «قازاتوپروم», قتج, «قازاقگاز», KEGOC, «قازاقتەلەكوم», «ەير استانا», «سامۇرىق-ەنەرگو» كومەك كورسەتۋدە.
قاراجات قايىرىمدىلىق قىزمەتىنىڭ بىرىڭعاي وپەراتورى «Samruk-Kazyna Trust» ارقىلى باعىتتالادى.
قازىرگىدەي قيىن جاعدايدا قىزمەتكەرلەردىڭ قاۋىپسىزدىگىن, ءتيىستى قۇرال-جابدىقتارمەن قامتاماسىز ەتۋ پورتفەلدىك كومپانيالاردىڭ الدىندا تۇرعان باسىم مىندەتتەردىڭ ءبىرى. سىن ساعاتتا كۇشىمىزدى بىرىكتىرىپ, تج-گە قارسى كۇرەسۋ جۇمىستارىن جانداندىرۋ قاجەتپىز. وسى باعىتتاعى تاسقىن سۋدىڭ الدىن الۋ جۇمىستارىن, سونداي-اق زارداپ شەككەن وندىرىستىك وبەكتىلەردىڭ جۇمىسىن شتاتتىق رەجيمگە كەلتىرۋ شارالارىن جالعاستىرۋ قاجەت, - دەدى نۇرلان جاقىپوۆ.
قمگ باسقارما توراعاسى ماعزۇم مىرزاعاليەۆتىڭ ايتۋىنشا, قمگ كومپانيالار توبىنان سۋ تاسقىنىنا قارسى شارالارعا 500-دەن استام قىزمەتكەر جۇمىلدىرىلعان جانە 160-تان استام تەحنيكا مەن قۇرال-جابدىق, سونداي-اق 80 توننا ديزەل, 22 توننا بەنزين بولىنگەن.
«قازاقستان تەمىر جولى» اق-دا سۋعا توتەپ بەرەتىن 45 پويىز قۇرىلدى. تاسقىن سۋدان زارداپ شەككەن بارلىق وڭىرلەردە سۋ ايدايتىن 47 ءورت ءسوندىرۋ پويىزى كەزەكشىلىك ەتۋدە, - دەپ اتاپ ءوتتى جيىندا قتج باسشىسى نۇرلان ساۋرانباەۆ. سونداي-اق, تەمىرجول ترانسپورتى ازاماتتاردى ەۆاكۋاتسيالاۋعا تارتىلعان. ءساۋىردىڭ 8 كۇنى قتج قاراجاتى ەسەبىنەن اتىراۋ وبلىسىندا تاڭەرتەڭنەن بەرى 5 مىڭعا جۋىق قازاقستاندىق تاسىمالداندى.
QazaqGaz-دا اۆاريالىق-قۇتقارۋ جانە سۋ تاسقىنىنا قارسى جۇمىستارعا 750 ادام جۇمىلدىرىلدى, سۋ تاسقىنى زارداپتارىن جويۋ جۇمىستارىنا 135 بىرلىك تەحنيكا بولىنگەن, سۋ باسۋ وڭىرلەرىندە ەرىكتىلەر توپتارى قۇرىلدى.
«KEGOC» اق ەلەكتر جەتكىزۋ جەلىلەرىن, عيماراتتار مەن قۇرىلىستاردى اعىن سۋدان قورعاۋ شارالارىن قابىلدادى, سونداي-اق سۋ باسۋى ىقتيمال اۋە جەلىلەرىن باقىلاۋ جۇمىستارى جانە ەلەكتر جەلىلەرىندە اۆاريالىق-قالپىنا كەلتىرۋ جۇمىستارىن جۇرگىزۋ ءۇشىن بريگادالار ۇيىمداستىرىلدى, - دەپ اتاپ ءوتتى ءنابي ايتجانوۆ.
«قازاقتەلەكوم» اق-دا تەلەكوممۋنيكاتسيا قۇرالدارىنىڭ ۇزدىكسىز جۇمىسىن قامتاماسىز ەتۋ ءۇشىن كومپانيانىڭ تەحنيكالىق بلوگى جەدەل شتابتار قۇردى. بولىمشەلەر اراسىندا بايلانىس ورتالىقتارى ۇيىمداستىرىلىپ, اۆاريالىق-قالپىنا كەلتىرۋ كوماندالارى قۇرىلدى. قىزمەتكەرلەر سۋ تاسقىنى سالدارىنان زاقىمدالعان جابدىقتاردىڭ اقاۋلارىن تەز ارادا جويۋدا.
قور توبىنىڭ قىزمەتكەرلەرى زارداپ شەككەن وتباسىلارعا ازىق-ت ۇلىك, تۇرمىستىق زاتتار جانە باسقا دا كومەك كورسەتەدى.
نۇرلان جاقىپوۆ سۋ تاسقىنى كەزىندەگى احۋالدى تاۋلىگىنە بىرنەشە رەت حابارلاپ وتىرۋدى جانە توتەنشە جاعدايدى باقىلاۋدا ۇستاۋدى تاپسىردى, سونداي-اق اپات زارداپتارىن جويۋعا قاتىسقان بارلىق توپ قىزمەتكەرلەرىنە العىسىن ءبىلدىردى.
