فوتو: baribar.kz
بىلتىرعى جىلدىڭ قورىتىندىسى بويىنشا, ورنالاستىرۋ ورىندارى قىزمەت كورسەتكەن ىشكى تۋريستەر سانى 2022 جىلدىڭ سايكەس كەزەڭىمەن سالىستىرعاندا 647,5 مىڭ ادامعا ارتىپ, 7 ملن 54,5 مىڭ ادامعا جەتتى. بۇل كورسەتكىش پاندەمياعا دەيىنگى كەزەڭمەن سالىستىرعاندا 1 ملن 767 مىڭ ادامعا كوپ (2019 جىلى – 5 ملن 286 مىڭ ادام).
«كەيىنگى جىلدارى الەمنىڭ تۇكپىر-تۇكپىرىنەن كەلگەن تۋريستەر اراسىندا قازاقستانعا دەگەن قىزىعۋشىلىقتىڭ ارتا باستاعانى بايقالادى. ماسەلەن, بيىل ەلىمىزگە 1 ميلليوننان استام شەتەلدىك كەلگەن. بۇل ەلىمىزدىڭ تابيعي سۇلۋلىعى, مادەني باي مۇرامىز بەن قوناقجايلىعىمىز كورسە كوز توياتىنداي ەكەنىنە دالەل بولىپ تۇر. ءبىز جاڭا قوناقۇيلەر سالۋدى, كولىك جەلىسىن دامىتۋدى جانە تۋريستىك مارشرۋتتاردى كەڭەيتۋدى قوسا العاندا, تۋريزم ينفراقۇرىلىمىن بەلسەندى دامىتىپ جاتىرمىز. ماقساتىمىز – قازاقستانداعى ساياحاتتى كەلۋشىلەر ءۇشىن قولجەتىمدى ءارى جايلى ەتۋ. ەلگە كەلگەن ءار ادام بىرەگەي مۇمكىندىكتەرىمىزدى پايدالانىپ, ەستەن كەتپەس ساتتەردى باستان وتكەرسە ەكەن دەيمىز», دەدى تۋريزم جانە سپورت ءمينيسترىنىڭ ورىنباسارى ەرجان ەركىنباەۆ.
