قايتارىلعان جەردى ءتيىمدى پايدالانۋ ماڭىزدى

مۇنداي تاپسىرمانى 2024 جىلعى 3 ساۋىردە وتكەن پايدالانىلماي جاتقان جانە زاڭنامانى بۇزا وتىرىپ بەرىلگەن جەرلەردى الىپ قويۋ ماسەلەلەرى جونىن­دەگى كوميسسيانىڭ كەزەك­تى وتىرىسىنىڭ قورىتىن­دى­سىندا پرەمەر-ءمينيستردىڭ ورىنباسارى سەرىك جۇمان­عارين بەردى.

جەر رەسۋرستارىن باسقارۋ كوميتەتىنىڭ توراعاسى مۇرات تەمىرجانوۆتىڭ ايتۋىنشا, 2024 جىلدىڭ باسىنان بەرى اۋىل شارۋاشىلىعى ماقساتىنداعى 391,2 مىڭ گەكتار, ال 2022-2024 جىلدارى بارلىعى 10,4 ملن گەكتار جەر مەملەكەت مەنشىگىنە قايتارىلعان. ونىڭ 3,7 ملن گا جەرى جەرگىلىكتى حالىق­قا قايتا ءبولىندى (جالپى ماقساتتاعى مال جايۋعا – 1,72 ملن گا, كونكۋرستىق نەگىزدە ءبولىپ پايدالانۋعا – 1,69 ملن گا).

«ايتا كەتۋ كەرەك, اۋىل شارۋاشىلىعى جەرلەرى­نىڭ 4,4 ملن گا نەمەسە 2022 جىلدان باستاپ ەل بويىنشا قايتارىلعان بارلىق جەردىڭ 44%-ى بۇرىن 204 ءىرى كاسىپكەرلىك سۋبەكتىلەرىنىڭ قولىندا بولعان», دەپ حابارلادى مۇرات تەمىرجانوۆ.

جايىلىم تاپشىلىعىن ازايتۋ ءۇشىن اكىمدىكتەرگە, جالپى پايدالانۋعا, مال جايۋ ءۇشىن 562,1 مىڭ گا جايىلىمدىق جەر بەكىتىلىپ بەرىلگەن, 65,1 مىڭ گا جايىلىم جەر پايدالانۋعا كونكۋرستىق نەگىزدە بەرىلگەن, 746,6 مىڭ گا رەزەرۆكە قويىلعان. ەلدi مەكەندەر شەگiنە 97,3 مىڭ گا جايىلىمدىق جەر ەنگiزiلدi.

«بۇگىندە ءبىزدىڭ نەگىزگى مىندەتىمىز – جەردى قايتارۋ عانا ەمەس, ءتيىمدى پايدالانۋ جانە جەر پايدالانۋشىلاردى باقىلاۋ. الىنعان جەرلەر­دى پايدالانۋ مەن جاقسارتۋ ءۇشىن جاۋاپكەرشىلىكتى كۇشەي­تۋ قاجەت. بايقاۋ شارتتارىن بيزنەس-قوعامداستىق­پەن, اكىمدىكتەرمەن جانە باسقا دا مۇددەلى قاتىسۋشىلارمەن تالقىلاعان ءجون. توپىراقتى, وسىمدىك قۇرامىن ساقتاۋ, زاماناۋي تەحنولوگيالاردى پايدالانۋ بويىنشا قارسى مىندەتتەمەلەر قويۋ كەرەك. ول ءۇشىن جەردى ءبولۋدىڭ جاڭا ەرەجەلەرى مەن قاعيدات­تارىن ازىرلەۋ قاجەت», دەدى س.جۇمانعارين.

قاناتقاقتى رەجىمدە مەم­لەكەتتىك جەر كاداسترى­­نىڭ جانە تەحنيكالىق زەرت­تەۋ­دىڭ اۆتوماتتاندىرىلعان اق­پاراتتىق جۇيەسى 2.0 جەر پايدالانۋشىنىڭ ەسەپتىك جازباسى قۇرىلدى. وندا توپىراقتىڭ (قاراشىرىك, جىلجىمالى مينەرالدار) جانە وسىمدىك جامىلعىسىنىڭ جاي-كۇيىنىڭ جوعارى ساپالى اگروحيميالىق سيپاتتاماسى بار جەر ۋچاسكەسى تۋرالى اقپارات بولادى. ونى ۇتىمدى پايدالانۋ كريتەريلەرىنە سايكەستىگىن قامتاماسىز ەتۋ ءۇشىن بەس جىل سايىن ۋچاس­كەنى زەرتتەۋ جۇمىستارى جۇر­گىزىلەدى. ەگەر ونىمدىلىكتىڭ ناشارلاۋى انىقتالسا, ءتيىستى شارالار قابىلدانادى.