اقپاراتتى الماتى وبلىسى اكىمىنىڭ ءباسپاسوز حاتشىسى راستادى. رەسمي دەرەكتەرگە سايكەس, نۇرلان قۇماتاەۆ 2024 جىلدىڭ 28 ناۋرىزىندا قوناەۆ قالاسىنىڭ اكىمى قىزمەتىنەن ءوز وتىنىشىمەن كەتكەن.
«ول باسشىلىق كەزىندە بىرنەشە ماڭىزدى ينفراقۇرىلىمدىق جوبالاردى جۇزەگە اسىردى. مىسالى, قازاندىقتى مازۋتقا ەمەس, تابيعي گازعا كوشىرۋ, ىستىق سۋمەن قامتۋ سياقتى جۇمىستاردى جۇرگىزدى. ونىنشى شاعىن اۋداندى اباتتاندىرۋ جۇمىستارىن, مەكتەپ پەن تۇرعىن ۇيلەردىڭ قۇرىلىسىن باستادى. سونىمەن قاتار, ول «ارداگەر» جانە «سامال» شاعىن اۋداندارىندا دا جوبالار جۇزەگە اسىرىدى. نۇرلان قۇماتاەۆتىڭ جەتەكشىلىگىمەن جىلۋ جەلىلەرى جاڭارتىلدى, ۇڭعىمالار يگەرىلدى, سۋارۋ جەلىلەرى قايتا جاڭعىرتىلدى جانە كارىزدىك سورعى ستانسالارى جاڭارتىلدى», دەدى اكىمدىكتىڭ ءباسپاسوز قىزمەتى.
