فوتو: «اMANAT» پارتياسى, تەلەگرام
«اMANAT»-تىڭ باتىس قازاقستان وبلىستىق فيليالىنىڭ اتقارۋشى حاتشىسى ازامات سافيماليەۆتىڭ ايتۋىنشا, پارتيالىقتار وڭىردەگى توتەنشە جاعدايدان زارداپ شەككەندەرگە جان-جاقتى كومەك كورسەتىپ وتىر.
«7,2 ميلليون تەڭگە جيناپ, 13 توننا گۋمانيتارلىق كومەك جىبەردىك. اتاپ ايتقاندا, قاراتوبە اۋدانىنا – 7 توننا, سىرىم اۋدانىنا – 4 توننا, تەرەكتى اۋدانىنىڭ پودستەپنوە اۋىلىنا – 1 توننا, ورال قالاسىنىڭ تۇرعىندارى ءۇشىن – 1 توننا گۋمانيتارلىق كومەك جينالدى. ونىڭ ىشىندە ازىق-ت ۇلىكتەن بولەك, بالالار مەن ەرەسەكتەرگە ارنالعان جىلى كيىمدەر, رەزەڭكە ەتىكتەر, تۇرمىستىق زاتتار جانە ت.ب. كەرەك-جاراق دۇنيەلەر بار», دەدى ول.
«جاستار رۋحى» جاستار قاناتىنىڭ وكىلدەرى مەن ۆولونتەرلەرى تج قىزمەتتەرىمەن جانە جەرگىلىكتى اتقارۋشى ورگاندارمەن بىرگە تۇرعىنداردى ەۆاكۋاتسيالاۋعا, ولاردى ارنايى پۋنكتتەرگە ورنالاستىرۋعا, ۇيلەردى سۋ تاسقىنىنان قورعاۋعا, سۋ جولىنا ينەرتتى ماتەريال سالىنعان قاپتاردى توسەۋگە, سۋ بۇرۋ ارىقتارىن قازۋ جۇمىستارىنا كومەك جاساۋدى جالعاستىرىپ جاتىر.
سونىمەن قاتار ءماجىلىس دەپۋتاتتارى, «اMANAT» پارتياسى فراكتسياسىنىڭ مۇشەلەرى نۇرتاي سابيليانوۆ پەن سەرگەي پونومارەۆ سۋ تاسقىنىنان زارداپ شەككەن تۇرعىندارمەن كەزدەستى. دەپۋتاتتاردىڭ ايتۋىنشا, ارنايى كوميسسيا اپات سالدارىنان كەلگەن زالال كولەمىن ەسەپتەۋدى باستادى. كوميسسيا ناتيجەلەرى بويىنشا زارداپ شەككەن وتباسىلاردىڭ شىعىندارى وتەلەدى.
