فوتو: gov.k
اۋدان اكىمىنىڭ ورىنباسارى گۇلنافيس ايشۋاقوۆانىڭ ءمالىم ەتۋىنشە, بۇعان سۋ تاسقىنىنىڭ قيىندىق تۋعىزعانى سەبەپ بولعان.
«جىلىوي اۋدانىندا بۇگىن, 4 ساۋىردە جەرگىلىكتى اۋقىمداعى توتەنشە جاعداي جاريالاندى. قازىر قوسشاعىل اۋىلدىق وكرۋگىنە قاراستى قاراعاي ەلدى مەكەنىنە سۋ كىردى. سول سەبەپتەن, جەدەل شتاب قاراعاي ەلدى مەكەنىنىڭ تۇرعىندارىن قاۋىپسىز ايماققا كوشىرۋ تۋرالى شەشىم قابىلدادى. ءبىرىنشى كەزەكتە ايەلدەر, بالالار, ناۋقاس جاندار جانە I, II, III-توپتاعى مۇگەدەكتەر كوشىرىلەدى», دەدى گۇلنافيس ايشۋاقوۆا.
وسىعان بايلانىستى اۋدان ورتالىعى – قۇلسارى قالاسىندا ءۇش قابىلداۋ پۋنكتى اشىلدى. بۇل – №1, 8 جانە 18-ورتا مەكتەپ عيماراتتارى.
«قاراعاي ەلدى مەكەنىنەن قابىلداۋ پۋنكتتەرىنە جەتكىزەتىن اۆتوبۋستار جۇرەدى. تۇرعىنداردان وزدەرىمەن بىرگە جەكە باس قۇجاتىن, قاجەتتى زاتتارىڭىزدى (شاعىن توسەك ورىن ت.ب.) الۋ سۇرالادى», دەپ ءمالىم ەتتى گۇلنافيس ايشۋاقوۆا.
