بۇعان دەيىن سوت وتىرىسىندا بيشىمباەۆ نۇكەنوۆانىڭ ەدەنگە بىرنەشە رەت قۇلاعانىن, باسىن دارەتحاناداعى ۋنيتازعا سوعىپ العانىن ايتقان ەدى.
«بەينەكامەرالارعا تۇسكەن جازبالاردى جويۋدى سۇرادىم. بىراق بۇنى كىسى ءولىمىن جاسىرۋ ءۇشىن جاساعان جوقپىن. ول كەزدە سالتانات ءتىرى ەدى. وزدەرىڭىز بىلەسىزدەر, قازىر تەلەگرامم-ارنالار وتە بەلسەندى. كەز كەلگەن كۇزەتشى بۇل ماتەريالداردى كوشىرىپ, باسقالارعا جىبەرە الادى. ءبىز كوشەدە تۇرىپ, اڭگەمەلەسىپ تۇرعانىمىز بەينەجازباعا تۇسىرىلگەن. ونى ۇرىپ-سوققان ساتتەر دە جازبالاردا بار», دەدى ايىپتالۋشى.
ەكس-مينيستر بۇگىندە كەز كەلگەن اقپاراتتى ساتۋعا جانە ساتىپ الۋعا بولاتىنىن ايتتى. ونىڭ پايىمىنشا, مەيرامحانا كۇزەتشىلەرى دە ۆيدەونى ساتىپ جىبەرۋى مۇمكىن ەدى.
«تۇسكى اسقا جاقىن ۋاقىت ەدى. سالتانات ۇيىقتاپ جاتقان. سوندىقتان بەينەجازبالاردىڭ بارلىعىن ءوشىرۋدى ءوتىندىم», دەپ قوستى قۋاندىق بيشىمباەۆ.
قىرمىزى جۇماعاليقىزى,
ەۇۋ ستۋدەنتى
