فوتو:aimak.com.kz
كەلەس ءوڭىرىنىڭ ديقانشىلارى جۋىق ارادا ەگىلگەن قىرىققاباتتىڭ قازىردىڭ وزىندە قۋراپ قالعانىنا الاڭداۋلى. ال جاقىن ارادا سۋارىلماسا, ەگىننىڭ ششىقپاي قالۋىنان قورقىپ وتىر.
«قازىر ءبىزدىڭ ەگىستىكتەردە سۋاراتىن ەشتەڭە جوق. قاراڭدار, ءبارى قۇرعاپ جاتىر. قىرىققابات پەن قىزىلشا قارا بولىپ كەتتى. سۋارۋ ماسەلەسى بويىنشا سۋ باسقارماسىنا حابارلاستىق, بىراق ولار كومەكتەسە المادى. ەندىگى ءۇمىت جاڭبىردىڭ جاۋى, ول ەگىندى ساقتاپ قالۋى مۇمكىن», دەيدى ديقانشى نۇرسەيىت رىسپاەۆ.
شەنەۋنىكتەر حالىقتى ءۇمىت ۇزبەۋگە شاقىردى. اۋدانعا سۋارمالى سۋدىڭ ءبىر بولىگى كانال ارقىلى وزبەكستاننان كەلەتىنى انىقتالدى. دەگەنمەن ول جارامسىز, سوندىقتان ءبىراز ۋاقىتقا سۋ ءسوندىرىلدى.
«ستك كانالىندا اپاتتىق جاعداي تۋىندادى. ءبىز سۋارۋ باسقارماسىن شاقىردىق, قازىر جوندەۋ جۇمىستارىن جۇرگىزىپ جاتىرمىز. ولار ەكى-ءۇش كۇندە اياقتالادى. قولىمىزدان كەلگەننىڭ ءبارىن جاساپ جاتىرمىز. جاقىن ارادا سۋ كەلەدى», دەدى كەلەس اۋدانىنىڭ اكىمى سۇلەيمەن جىلقىباەۆ.
ەسكە سالا كەتەيىك, بۇعان دەيىن توتەنشە جاعدايلار مينيسترلىگى سۋ تاسقىنى ايماعىندا بەس وبلىس قالعانىن, اكىمدىكتەر 20 جەرگىلىكتى توتەنشە جاعداي جاريالاعانىن حابارلاعان بولاتىن. اقتوبە, باتىس قازاقستان جانە قوستاناي وبلىستارىندا جاعداي كۇردەلى.
قىرمىزى جۇماعاليقىزى,
ەۇۋ ستۋدەنتى
