سونىڭ ءبىرى – ءحVىىى عاسىردىڭ كوزى, ەرەكشە ويۋلى اعاش ەر. ەردىڭ ەمەن اعاشىنان جاسالعان قوس قاسىنا قىران قۇستىڭ بەينەسى ويىلعان. ءبىر شەگە قولدانباي اعاش قاپتالعا تاسپامەن بەكىتىلگەن. قاستىڭ ۇستىنە بەينەسىن ويۋلاپ سالعان. ەردىڭ بارقىتپەن قاپتالعان كوپشىگى, قىلدان ەسىلگەن ايىل, تازا قايىستان جاسالعان تارالعى, سابى ەلىكتىڭ الدىڭعى سيراعىنا ساپتالعان سەگىز ءورىم قامشى ەردىڭ ءسانىن اشا تۇسەدى.
قۇندى جادىگەردىڭ يەسى – اۋىلدىڭ ارداقتى ازاماتى, سوعىس ارداگەرى رىسقالي جاماليەۆ ەكەن. ول 1942 جىلى جيىرما جاسىندا قىزىل ارميا قاتارىنا الىنعان. سوعىستى بەرليندە اياقتاعان اتامىز 1946 جىلى ەلگە امان ورالعان. سوعىستان كەيىن كوكتەرەك ەلدى مەكەنىندە ەسەپشىلىك قىزمەت اتقارعان مايدانگەر ۇنەمى سالت اتپەن جۇرگەن.
«بۇل ەردى جاساعان شەبەر تۋرالى مالىمەت جوق. رىسقالي اقساقالعا اعاسى باقىت سىيلاعان. ءبىزدىڭ مۋزەيگە مايدانگەردىڭ ۇلى بازارباي 1991 جىلى تاپسىردى», دەيدى كوكتەرەك تاريحي-ولكەتانۋ مۋزەيىنىڭ ەكسكۋرسوۆودى اقمارال يباتقىزى.
باتىس قازاقستان وبلىسى
