«جەلتوقسان ايىنىڭ وزىندە وڭىرلەر بولىنىسىندە سۋ تاسقىنى قاۋپى بار ۋچاسكەلەر ايقىندالىپ جەلتوقسان, اقپان جانە ناۋرىز ايلارىنىڭ باسىنداعى بولجامداردا كورسەتىلدى جانە اكىمدىكتەر مەن ورتالىق ورگاندارعا جولداندى. الايدا اكىمدىكتەر بولجامعا قاجەتتى دەڭگەيدە نازار اۋدارمادى, وسى سەبەپتى سۋ تاسقىنى قاۋپىنە ءتيىستى باعا بەرىلمەدى جانە الدىن الۋ شارالارى قابىلدانبادى», دەدى مينيستر ۇكىمەت وتىرىسىندا.
ونىڭ ايتۋىنشا, سۋ تاسقىنى قاتەرى ءالى دە بار.
«بۇگىنگى تاڭدا قازاقستاننىڭ قار باسقان اۋماعى 27%-دى قۇرايدى. قازاقستاننىڭ جازىق اۋماعىنداعى وزەندەردىڭ بارلىق باسسەيندەرىندەگى ىلعال قورىنىڭ كولەمى ازايدى. ەڭ ۇلكەن سۋ تاسقىندارى اقتوبە, باتىس قازاقستان وبلىستارىنىڭ جانە قوستاناي وبلىسىنىڭ وڭتۇستىك بولىكتەرىنىڭ وزەندەرىنەن ءوتىپ جاتىر, بىراق سۋ تاسقىنى قاۋپى ساقتالادى. شىعىس قازاقستان, اباي, قاراعاندى, ۇلىتاۋ, اقمولا, سولتۇستىك قازاقستان وبلىستارى جانە قوستاناي وبلىسىنىڭ سولتۇستىك جارتىسىنداعى وزەندەردە سۋ دەڭگەيىنىڭ كوتەرىلۋى جانە قاۋىپتى بەلگىلەردەن اسۋى بايقالادى», دەدى نىسانباەۆ.
