فوتو: inbusiness.kz
ەسەپ يسلام دامۋ بانكى ينستيتۋتىنىڭ قولداۋىمەن احقو ليتسەنزيالانعان قاتىسۋشىسى بولىپ سانالاتىن «CSQLاw» اتتى كونسالتينگ كومپانياسىمەن بىرلەسىپ دايىندالعان. زەرتتەۋ اياسىندا جەكە جانە كورپوراتيۆتىك كليەنتتەر اراسىندا يسلامدىق قارجى ونىمدەرىنە نارىقتىق سۇرانىستى باعالاۋ بويىنشا جۇمىس جۇرگىزىلگەن. زەرتتەۋگە 13 مىڭعا جۋىق رەسپوندەنت قاتىستى. ونىڭ 350-گە جۋىعى زاڭدى تۇلعا بولسا, 12 مىڭنان استامى – جەكە تۇلعا.
زەرتتەۋ كەزىندە ءدىني سەنىمدەرگە بايلانىستى دەپوزيتتىك جۇيەدەن تىس رەسپوندەنتتەر يسلامدىق دەپوزيتتى اشۋعا دايىن ەكەنىن جەتكىزدى. مۇنىڭ جالپى سوماسى 1,9 ترلن تەڭگەگە جەتۋى مۇمكىن. سونىمەن قاتار زەرتتەۋ بارىسىندا الىنعان مالىمەتتەر نەگىزىندە ءداستۇرلى دەپوزيتتەردەن يسلامدىق دەپوزيتتەرگە كوشۋ 924 ملرد تەڭگەگە باعالانادى.
زەرتتەۋ ناتيجەسى ءارتۇرلى يسلامدىق قارجى قۇرالىنا سۇرانىس ايتارلىقتاي جوعارى ەكەنىن كورسەتكەن. يسلامدىق قارجىلاندىرۋ نارىعىن دامىتۋ قاجەتتىلىگى ءدىني سەنىمدەرىنە قاراي كلاسسيكالىق بانك قۇرالدارىن پايدالانا المايتىن ءدىندى بەرىك تۇتىنۋشى مۇسىلماندار سانىنىڭ ارتۋىمەن بايلانىستى وسەدى دەپ بولجانىپ وتىر. الايدا بۇل تەك ءدىن ۇستانۋشىلارعا عانا ارنالماعانىن اتاپ وتكەن ءجون. بالامالى قارجىلاندىرۋدىڭ وسى ءتۇرىن ءدىني سەنىمدەرىنە قاراماستان, كەز كەلگەن ادام پايدالانا الادى.
نارىقتىڭ ءوسىپ كەلە جاتقان قاجەتتىلىكتەرىنە قاراماستان, ساۋالنامادا ەلدىڭ بارلىق وڭىرىندە يسلامدىق قارجى ونىمدەرى تۋرالى اقپاراتتىڭ از ەكەنى بەلگىلى بولعان. بۇعان دالەل – قاتىسۋشىلاردىڭ 85%-ى (جەكە تۇلعالار) ەشقاشان يسلامدىق قارجىلاندىرۋ ونىمدەرىن پايدالانباپتى. سونداي-اق ساۋالناماعا قاتىسۋشىلار يسلامدىق قارجى ونىمدەرىن پايدالانۋعا كەدەرگى كەلتىرەتىن سەبەپتەردىڭ ىشىندە ونىمدەردىڭ قولجەتىمسىزدىگىن, ۇسىنىستار جوقتىعىن, يسلامدىق قارجى تۋرالى قاتە تۇسىنىكتەر جانە سەنىم ماسەلەلەرىن اتاپ وتكەن.
«يسلامدىق قارجىلاندىرۋ – احقو دامۋىنىڭ ماڭىزدى باعىتىنىڭ ءبىرى. قازاقستانداعى جەكە جانە كورپوراتيۆتىك سەكتورلاردا يسلامدىق قارجى ينستيتۋتتارىنىڭ جۇمىسىنا بارلىق قاجەتتى جاعداي جاسالعان. ءبىزدىڭ ورتالىق يسلامدىق قارجى ونىمدەرىنىڭ جۇمىس ىستەۋى ءۇشىن قاجەتتى قۇقىقتىق بازانى قامتىپ, سونىمەن بىرگە يسلام دامۋ بانكى, ازيا دامۋ بانكى جانە باسقا دا ۇيىمدارمەن تىعىز ىنتىماقتاستىق قۇرعان. ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى دە وسى باعىتتى دامىتۋعا اتسالىسىپ جاتىر. وسى زەرتتەۋدىڭ ناتيجەلەرى ەلدەگى يسلامدىق قارجىلاندىرۋ نارىعىنىڭ تولىق جۇمىسىن انىقتاۋعا مۇمكىندىك بەرىپ وتىر», دەيدى احقو اكىمشىلىگى ونىمدەردى دامىتۋ جونىندەگى باسقارۋشى ديرەكتورى دانيار كەلبەتوۆ.
